కన్నులతో చూసేదీ గురువా....

paradise x రోడ్స్ ..టైం 11.45 am
అబ్బా టైం అవుతుంటే ఈ సిగ్నల్స్ ఏంట్రా నాయనా..
రెడ్ లైట్ చూసి ఆగక తప్పలేదు. ముందే రోడ్డుమీదకి వస్తే ఏదో తెలీని టెన్షన్, దానికో తోడు వర్క్ టెన్షన్ + లేట్.
థు దీన.... అని అనేలోపే మాట ఆగిపోయింది. కారణం ఓ రాయంచ పక్కన ఆగింది. తెల్లని సుజికి ఆక్సెస్ మీద.. తెల్లని చుడీదార్ లో..
చూస్తే బావుణ్ణు ..చూస్తే బావుణ్ణు.. చూస్తే ... మూడోసారి అనుకునేంతలో చూసింది.
కనులు కనులని దోచాయంటే.... నేనయితే ఆమె చూపులు దోచేసి దాచేసాను.
థు నీ .. తినేసేలా చూస్తావా అనుకుందేమో తలా పక్కకి తిప్పింది.
మళ్ళీ చుడకపోతుందా అనే ఆశ చావదే..
ఆమె అలా అనుకోలేదు, ఎందుకంటే మళ్ళీ చుసిందోచ్ .. ఇది మళ్ళీ మళ్ళీ రిప్లై  అయ్యింది.
చుట్టూ జనం..ఎవడి బాధల్లో వాళ్ళు. మా మధ్య మౌనం. కాని ఆ మౌనం మాట్లాడాలని ప్రయత్నం మొదలెట్టింది. ఏం జరిగిందో ఏమో..నాకు మాత్రం ఆమె నన్ను చూసి నవ్వినట్టే అనిపించింది.
'కొంటె చూపుతో నీ కొంటె చూపుతో నా మనస్సు మెల్లగా చల్లగా దోచావే
చిన్ని నవ్వుతో ఒక చిలిపి నవ్వుతో ఏదో మాయ చేసి '.....మనసుకి ఏదో కొత్త ఆనందం అవగతమవుతోంది.
ఇంకో అయిదు సెకండ్స్ ఉంది గ్రీన్ సిగ్నల్ పడటానికి. మొదటి సారి అనిపించింది ఈ ట్రాఫిక్ సిగ్నల్ టైం ఓ గంట ఉంటే ఎంత బావున్నో అని ..
ఇప్పుడెలా ...
అలోచిన్చేలోపే.... ఓ వాలు చూపు విసిరి జర్రున దూసుకుపోయింది..ఇంకోవైపు..నా  మనసుతో పాటుగా..

కీక్ కీక్.. వెనక నుండి హరన్...
ఈ లోకంలోకి వచ్చి పడ్డాను.
కన్నులతో చూసేదీ గురువా కనులకి సొంతమౌనా .. ఇక కనులకి సొంతమౌనా...

అద్బుత సాహస గాధ

ఒక అద్బుత సాహస గాధ..రాత్రి భోజనం అయ్యాక ఈ పుస్తకం చదవటం మొదలు పెట్టి తెల్లవారి మూడింటికి ముగించి..వేడిగా చాయ్ తాగి కథని visualize చేసుకుంటూ నిద్రపోయాను.
ఈ కథని సినిమాగా తీయగల దమ్ము మనవాళ్ళకి లేదు..గాక లేదు. కాని ప్రపంచంలోని ఎవ్వరైనా తీయగలిగితే..ఎంతబావుంటుంది.

ఇన్‌క్రెడిబుల్‌ గాడెస్‌ .

"ఇన్‌క్రెడిబుల్‌ గాడెస్‌ " రాత్రంతా ఈ నవల ఆసాంతం చదివేదాక నిద్ర పట్టనే లేదు.
నేను చదివిన కేశవరెడ్డి గారి మూడు రచనల్లో  బాగా నచ్చింది "ఇన్‌క్రెడిబుల్‌ గాడెస్‌ " .
వేలాది సంవత్సరాల బానిస బ్రతుకుపై పోరాటం చేసేట్టు కనపడతారు మన కథానాయకుడు మొదట్లో . కాని కేవలం అవి మాటలుగానే మిగిలి పోతాయి. ప్రతి సంఘటనలోను నిస్సహాయుడిగా తన ప్రత్యర్థిని ఎదిరించలేక ఓడిపోతాడు. తన సర్వస్వాన్ని హరించి..కన్న కొడుకునీ పొట్టన పెట్టుకున్న 'అధికారానికి' వ్యతిరేకంగా తనని తన జాగృతం చేసి తన జాతిని పోరాటం వైపు అడుగు వేసే దిశగా ..తరాల బానిసత్వం పై పైచేయి సాధించే వైపుగా 'ఆశని' కలిగించే చివరి అవకాశం కుడా వదులుకొని ...నేను బానిసనే అని ఒప్పుకుంటాడు.
ఆద్యంతం ఆసక్తి కరం.. ఆలోచనాత్మకం. తప్పక చదవండి. ఇంక్రెడబుల్ గాడ్దేస్

వాట్ అన్ ఐడియా...!!

ఆకలి దంచేస్తోంది.. పర్సు వెతికితే అయిదొందల ఆకు పచ్చ నోటు తగిలింది.
ఆహా అదృష్టం, కాని ఏం తిందాం. బిర్యాని.? రోటీ పనీర్ బట్టర్ మసాలా? మెస్ భోజనం ? లేక పిజ్జా బర్గర్ ?? రక రకాల రుచులు జ్ఞాపకం వచ్చి నోరు ఉరింది. ఏం తినాలో అర్థం కాక తల మునకలవుతుంటే
ఇంతలో ఒక మెసేజి..
డియర్ కష్టమర్ మీరు కట్టవలసిన బిల్లు నాలుగు వందల ముప్పయి అయిదు రూపాయలా ఇరవై రెండు పైసలు .. చివరి తేదీ _ _ _
మీరు ఐడియా వాడుతున్ననదుకు ధన్యవాదాలు.

నోటు మడిచి పర్సులో పెట్టి జేబులు తడిమితే బంగారు రంగులో అయిదు రూపాయల కాయిన్ తలుక్కుమంది. వెంటనే అప్పుడెప్పుడో ఏళ్ళ కింద చూసిన ఒక టీవీ ప్రకటన గుర్తొచ్చింది..
అయిదు నిముషాల్లో రెడీ చేసి తిన్నా.ఆకలి ఆల్మోస్ట్ తీరిపోయింది 'మాగి' తో.
so చెప్పుకోవలసిన మాట ఏంటంటే ..
" ఐడియా మీ ఆకలిని తీర్చేస్తుంది." అని  ఈ ముక్క నా మిత్రుడికి చెప్పగానే 

కాదు కాదు.. " ఒక్క ఒక్క ఐడియా మీ ఫుడ్డుని మార్చేసింది." అన్నాడు. వాట్ అన్ ఐడియా .. :)

లవ్వు& హేట్

టీ పౌడర్ కొందామని ఓ దుకాణానికి వెళ్ళనా.. అచ్చు గుద్దినట్టు ఉన్న ఇద్దరమ్మాయిలు.. అక్క చెల్లెళ్ళు అని చెప్పకనే చెపుతున్నారు. మొదటి పిల్లని చూసాను నా చూపు తగలగానే ముఖం ముడుచుకొని.. తల పక్కకి తిప్పేసింది. " తరుణీ కడకంటి చూపులకి కూడా నోచుకొని జన్మా ఒక జన్మేనా .....థు
దీనమ్మ జీవితం... అని ఏదో తెలీని బాధపడుతుండగా .. ఆ రెండో పిల్ల నన్ను చూసింది. కళ్ళతో నవ్వింది.. ఆ తరవాత పెదాలు విచ్చుకొని ముసి ముసి నవ్వు నాపై రువ్వింది. ఆహా.. 'జగమే మారినది మధురముగా ఈ వేళా.' పాట మొదలయ్యింది. ఏముంది 3 smiles and 6 looks ..  కొంచం సేపు కాలం ఆగిపోయింది. చేసేదేం లేదు, చేసిందేం లేదు కానీ ఓ నిముషం పాటు సంతోషం. :)
సో చెప్పొచ్చేదేమిటంటే....
1) మనకి కావలసింది దొరక్క పోయినా పక్కది దొరికితే సంతోషించాలి.
2) లవ్వు, హేట్ అక్క చెల్లెళ్ళు. పక్క పక్కనే కలిసి ఉంటాయి.
3)కారణాలు తెలీదు కాని మనం అంటే కొందరికి ఇష్టం ..మరికొందరికి అయిష్టం. అయిష్టాన్ని అటు తోసేసి ఇష్టాన్ని దగ్గరకు తీసుకోవాలి.
4) మనని వద్దు అనుకున్న వాళ్ళని విసిగించి ఆసిడ్ పోయకుండా.. కావాలనుకుంటున్న వాళ్ళని పట్టించుకోవాలి
5) ....
6) ....
7).....

ఎప్పుడు కష్టాలు వచ్చినా..

 

"మగాడి గుండెల్లో అంతులేని బాధ ఉన్నా.. కృష్ణుడి వేషంలో NTR నవ్వినట్టు  దరహాసం ఇవ్వాలి. అదే ఆడాళ్ళు అయితే వలవలా ఏడ్చేస్తారు. ఎందుకంటే...

అది కలియుగపు ఆరంభపు రోజు.. కలియుగంలో దేవుడు ప్రత్యక్షం అవ్వటం అనే మాట ఉండదు. మానవ జంట ని సృష్టించి నిషిద్ద ఫలం గురించి చెప్పి వెళ్ళిపోయాడు. ఈవ్ నస భరించలేక ఆడం ఆపిల్ తెంచాడు. ఇద్దరూ ఆపిల్ పండు కోరికాక, కొంచం అదోలా అనిపించింది, తెలీని ఓ  గొప్ప బాధ మొదలయ్యింది. ఆది చూసి దేవుడు చిట్ట చివరి సారి ప్రత్యక్షమయ్యి చెప్పుకోండి మీ బాధలు...అని అడగ్గానే, తీర్చే వాడు వచ్చాడన్నచిన్నిసంతోషంలో మగాడు 'చిరునవ్వు' నవ్వాడు. భారీ సీరియల్ మొదలెట్టేముందు ఏడ్చినట్టు ఆమె 'కన్నీళ్ళు' పెట్టింది.
ఇంతలో ఓ అశరీరవాణి కలియుగం ఆరంభం అయ్యింది కదా, ఇహ మీరు మనుషులకి కనిపించటం.. కష్టాలు వినటం.. తీర్చటం చేయకూడదు, మరిచిపోయారా అని చెవిలో ఉదగానే నాలిక్కరుచుకొని దేవుడు మాయం అయ్యాడు. వీళ్ళకి మాత్రం ఆ expressions మిగిలాయి . అప్పటినుండి ఎప్పుడు కష్టాలు వచ్చినా అవే continue అవుతున్నాయి. అదీ అసలు సంగతి. ;)

విముక్త ( కథలు )

పురాణ కథల్లో నాయకులు ధర్మం కోసం పాటుపడి దాన్ని పునర్నిర్మించటానికి ప్రయత్నించి గెలిస్తే గెలుస్తారు గాక.. కాని ప్రతి పురాణ పురుషుడి వెనకా ఓ స్త్రీ హృదయపు ఆక్రందన ఉంది. స్వయవరంలో రాముడిని వరించి పెళ్ళిచేసుకొని అష్టకష్టాలు పడింది సీత. రాముడిని వలచి వచ్చి అవమానానికి గురయ్యి అంతులేని వేదనకి గురయ్యింది శూర్పణఖ.
అవతార పురుషుడిని వరించినా ధర్మబద్దంగా ఇద్దరికీ అన్యాయమే జరిగింది. .. అయినా ఆ ఇద్దరూ పోరాడి..మనసుని స్వాంతన పరచుకొని ఒంటరి జీవితాన్ని గడిపారు.
రామాయణంలో ఆవేదనకి గురయిన స్త్రీ పాత్రల గురించి చదవండి....ఆలోచించండి.

విముక్త ( కథలు ) రచన : ఓల్గా

ఎందుకో నవ్వొస్తుంటుంది నాకు..

ఎందుకో నవ్వొస్తుంటుంది నాకు..
ప్రేమలో ఓడిపోయాను అన్న వాళ్ళని చూసి. ..ప్రేమించి మోసపోయాను అనుకునే వాళ్ళని చూసి...
ఒక మనిషిని.. ఒకే మనిషిని నమ్ముకుని బ్రతకాలనుకునే వాళ్ళని చూసి.. నాకు ఇలాంటి గాయాలు ఎప్పుడూ  కావేమో...
 ఎందుకంటే 


ప్రతి కలయిక తర్వాత వీడుకోలు ఉంటుంది కనక.. 
ఆనందం వెనకాల విషాదాన్ని ఉహిస్తా కనక..
బాధ కూడా ఆనందం  అని అనుకుంటా కనక..
కలుసుకునే స్వేఛ్చ.. విదిపోతానికి కుడా ఉండాలి కనక..
నాది అనేది ఏది లేదు.. ఉండదు అని నమ్ముతాను గనక..
ఏది శాశ్వతం కాదన్న నిజం జీర్ణించుకున్నా  కనక..
కాలం ..దాంతో పాటే మార్పు అతి సహజం కనక..
నాకు నేనే జీవితాంతం అని తెలుసు గనక..

విశ్వ రూపం

 

ఏ శనివారమో, భార్యామణి బాగా తయ్యారయ్యి బండి వెనకాల కూర్చుంటే ఓ గుడికి వెళ్లి , విగ్రహానికి నమస్కారం పెట్టి .. ఓ కొబ్బరి కాయో, హరతో ఇచ్చి , తీర్థ ప్రసాదాలు తీసుకొని ఇంటికొచ్చి వీక్ ఎండ్ సెలబ్రేట్ చేసుకునే వాళ్ళకి మతం మస్తుగానే ఉంటుంది. కాని,......

మెట్టు మెట్టు కడిగి దీపాలు పెట్ట్టేవాళ్ళు, ఏదో నమ్మకంతో గుండు గీయించుకునే మనుషులూ..బాబాలని నమ్మి శీలాలని అర్పించుకునే అతివలు.. మైల అయ్యిందని మంచి నీళ్ళు పారబోసుకొనే బ్రాహ్మణ ఇల్లాళ్ళు.. ఉపవాసలతో ఆరోగ్యం చెడగోట్టుకునే అమ్మలక్కలు ..పెళ్లి కాక గుడి చుట్టూ పోల్లిగింతలు పెట్టె కన్యలు.. తండ్రికి పిండం పెట్టలేక, కర్మకాండలో స్వర్ణ , గోదానం ఇచ్చుకోలేక తండ్రీ అత్మ శాంతించదేమో  అని చింతించే  గృహస్తు...ఇలా కొంప కొంప కీ పోయి చూడండి మతం విశ్వ రూపం కనపడుతుంది.

ఫలానాది చేస్తే ఫలానా అవుతుందని... పాపం తుడిచి పెట్టుకు పోతుందని., ఉత్తమ లోకాలు ప్రప్తిస్తాయని .. ఫలానా చేయకపోతే పుట్టగతులుండవని చెప్పేది హైందవ మతం లోనే. పురాణాలు చదవండి.. స్తోత్రాలు వల్లె వేయండి.మీకే తెలుస్తుంది జనాన్ని ఎంత భయ బ్రాంతులకి గురిచేసారో...

కాషాయం కట్టి ఇల్లు వదిలిన ప్రతివాడు హిందుత్వపు బలి పశువే. పూజలు వ్రతాలూ చేసి దరిద్రుడయిన  ప్రతివాడు బలిపశువే...
జాతకాలు.. నవగ్రహాలు.. ఉంగరాలు అంటూ పెళ్ళాం నగలు తాకట్టు పెట్టిన ప్రతివాడు బలిపశువే. పాలకి ఏడ్చే పిల్లాడు.. మడితో ఉండి  పాలివ్వలేని ఆ తల్లి ఇద్దరు బలి పశువులే, అప్పు చేసి హోమం/ పూజలు  చేయించే గృహస్తుడు బలి పశువే..దేవుడు దేవుడు అంటూ కొంప కొల్లేరు చేసుకున్న వాళ్ళంతా బలిపశువులే.

మతం పేరుతో ఏం జరిగినా.. ఆది మతానికే చెందుతుంది. దానికి జవాబు దారి మతమే. 

హిందూమతాని ఆహా ఓహో అని చెపుతూ లక్ష విధాల రాయొచ్చు.అదో పెద్ద విషయం కాదు. హిందూ మతం గందరగోళం అన్న మాట వాస్తవం. జనాలు అంతకంటే గందరగోళం లో ఉన్నారనేది వాస్తవం.
ఆత్మ పరీక్ష చేసుకొని సరిదిద్దుకోవలసిన అవసరం.. simplify చేసి ముడత్వాన్ని మట్టుపెట్టాల్సిన అవసరం ఎంతయినా ఉంది.   హిందూ మతంలో   అర్థవిహీనాలు చాలా ఉన్నాయి. వాటిని ప్రక్షాళన చేయాలి. అర్థంలేని ఆచారాలు..క్రతువులు అన్ని తొలగి పోవాలి.  వేదాలు.. పురాణాలు..ద్వైతం, అద్వైతం...లక్షల సంఖ్యలో దేవుళ్ళు దేవతలు.. గుళ్ళు గోపురాలు..యజ్ఞాలు ..పూజలు, వ్రతాలు ..అన్ని కలగలిపి  హిందూమతాన్ని పెద్ద గందరగోళం చేసి పెట్టారు. 'సరళీకృతం' చేసి ఆ మతాన్ని కాపాడవలసిన అవసరం ఉంది.

అలా కాక వెనకేసుకోస్తుంటే..జరిగేది, ఒరిగేది ఏమి ఉండదు. లోకంలో అజ్ఞానం  పెచ్చు పెరిగి మతోన్మాదంతో జనాలు చస్తూ బ్రతకటం..లేదా బ్రతుకుతూ చావటం తప్ప.

 

మన multiplex

మొన్న INOX మల్టీ ప్లెక్ష్ లో సినిమా చూసా.అగ్గిపెట్టె లాగా ఉంది.  నా దురదృష్టం ముందు వరుసలో సీట్ వచ్చింది. వామ్మో.. ఏందిరా భై  తెర నా తల మీదే ఉంది. రెండుగంటలకి పైగా అలా తల ఎత్తి ఆ మూల నించి ఈ మూలకి చూస్తూ సినిమాని అర్థం చేసుకునేసరికి మెడనొప్పి + తలనొప్పి వచ్చేసాయి. ఈ ముల్తిప్లెక్ష్ ల్లో  సినిమా చూడటం వేస్ట్ అని decide అయిపోయా.. హయిగా traditional సినిమా హల్లో  బాల్కనీ టిక్కెట్టు తీసుకుంటే.. సినిమా బాలేకపోయినా కనీసం  మెడనొప్పి ఉండదు.

ఇక్కడ ఈ దేశంలో ...

యే దునియా . ఎక్ దుల్హన్...యే దునియా ఎక్ దుల్హన్. దుల్హన్ మాతే కి బిందియా.. యే మేరా ఇండియా...యే మేరా ఇండియా.. పాడుకోవటానికి బావుంటుంది. కాని .... 

భారత దేశం.. నూటా ఇరవై కోట్లమంది ...అందులో కనీసం సగం మంది యువత ఉంటారనుకుంటే... పద్నాలుగు నుంచి యవ్వనపు రక్తం కొత్తదారుల్లో ఉరకలేస్తుంటే, లైంగిక వాంచని తొక్కి పెట్టిన మన సంస్కృతి సంప్రదాయాలు ఒక పక్క, ఇంటర్నెట్ లో పచ్చి శృంగారం మరోపక్క, వయాగ్రాలకంటే ఎక్కువ కిక్కు ఇచ్చే సినిమాలు, హిరోయిన్లు మరోవైపు, ఎందుకో తెలీక,చెప్పెనాథుడు లేక, చెప్పుకోలేక, అడగలేక, ఆగలేక, ఆపుకోలేక  ఆ యువత ఏం చేస్తుంది ? అడపా,  దడపా హద్దు దాటుతుంది.

ఆడ అయినా మగయినా ఈ దేశంలో, శృంగారం కావాలంటే, పెళ్లి చేసుకోవాల్సిందే.పెళ్లి అయ్యాక, కొంతకాలం గడిచాక కాని తెలిదు అసలు విషయం. అప్పుడు విడివడలేక , కలిసి ఉండలేక నరకం. ఆ నరకం లోంచి కోపం, క్రోధం.. దాంతో ఏదో మిషతో ఒకరినొకరు శారీరక, మానసిక హింస పెట్టుకోవటం.ఇది ఇంకోరకం  బాధ.

అయితే దరిద్రం, లేదా అత్యాశ వల్ల ... కష్టపడకుండా మామగారు ముద్దుగా ఇచ్చే , పెళ్ళాం తెరగా తెచ్చేకట్నం. కట్నం డబ్బులు కరిగి పోగానే ..పెళ్ళాం మీద మోజు తీరుతుంది. 'కుక్కని కొట్టినా  డబ్బులొస్తాయి' అన్న విషయం గుర్తొచ్చి పెళ్ళాన్ని  కొడతాడు. 

ఇలా ఏ సందర్బంలో అయినా బాధ పడేదీ, నష్టపోయేదీ ...  సున్నిత మనస్సు కలిగి, ఎక్కువ emotional అయిన స్త్రీ యే.

బాగా ఆలోచిస్తే.. ఇక్కడ ఈ దేశంలో ప్రభుత్వానికి ప్రజల మీద కంట్రోల్ లేదు..గౌరవం లేదు. పట్టింపు లేదు. ఇష్టం లేదు...బాధ్యత లేదు. దేశ భవిష్యత్తు మీద అవగాహన లేదు. అలాగే ప్రజకీ కుడా ప్రబుత్వం మీద ఏదీ లేదు. వెరసి ఇదీ మనదేశం. ఇదీ మన ప్రగతి. ఇదీ మన భవిష్యత్తు.
 యదా రాజా... తథా ప్రజా . 

కలిసే ఉందాం. సరేనా.. ;)

అనగనగా ఒక బడి.. అందులో  ఓ ఒక తరగతి గది.
మాష్టారు గుర్రు కొడుతున్నాడు.. పిల్లలు మాటలు..ఆటలు పాటలు..తమ ధోరణిలో తామున్నారు..
ఇంతలో..
సార్.. సార్.. పిలిచాదొక పిల్లాడు..
కళ్ళు నులుపుకొని.. పెదాలు చప్పరిస్తూ లేచాడు మాస్టారు..

సార్ వీడు నా పెన్సిల్ లాక్కున్నాడు సార్..
అదేం లేదు సార్..
సర్ వీడు నా లబ్బర్ కూడా తీసుకున్నాడు..
లేదు సర్ నేను తీసుకోలేదు..
సార్ వీడు  నా  కాపీలో  కమ్మలు చింపుకున్నాడు సార్..
నిజ్జంగా నేను చింపుకోలేదు సార్..ఒట్టు..
సర్ వీడు నా నీళ్ళు తాగేసాడు సార్..
నేను వాడి బాటిల్ ముట్టుకోనే లేదు సార్.
సార్ వీడు నా చపాతి తినేసాడు..
అమ్మతోడు.. నేను తినలేదు..

సార్ సార్ ప్లీజ్ సార్ నేను వీడి పక్కన కుర్చోను..నా బెంచి మార్చండి సార్..
సార్ వద్దు సర్.. మేమిద్దరం దోస్తులం..అన్నదమ్ముల లాంటి వాళ్ళం..
ఏంటి ..ఛీ... నీ దోస్తు కటీఫ్..
నేనెప్పుడు కటీఫ్ కాదు.. కలిసే ఉందాం. సరేనా.. ;)
మాస్టారు ఏమి మాట్లాడకుండా...ఇంకోసారి పెదాలు చప్పరించి పడుకున్నాడు.

మాఇద్దరినీ కలుపుతూ ..

 

"రైలు పట్టాలు ఎప్పటికి కలవనట్టు.. నేను ఈ ప్రపంచం ఎప్పటికి కలవలేము.  జీవితం అనే రైలు బండి మాత్రం మాఇద్దరినీ కలుపుతూ  సాగిపోతుంటుంది."

నీసంగతేంటి ???

చిన్ననాటి స్నేహితుడు అనుకోకుండా కలిసాడు. వాడు మొదటినుంచి లెక్కల మాష్టారు. అంటే లెక్కలు  బాగా చేస్తాడని కాదు. లెక్కలు బాగా వేస్తాడు. ఎంత సంపాదించాను,..ఎంత కూడబెట్టాను....ఇదీ వాడి లెక్క.

పలకరింపులు అయ్యాయి.
ఆకాశం నీలం చిక్కనయ్యి  చీకటిగా మారుతోంది. విద్యుద్దీపాల  వెలుగులో సిటీ అంత దగ దగ లాడుతోంది.. కిందకొచ్చి  వరుసలో నిల్చున్నాయా అన్నట్టున్నాయి స్ట్రీట్ లైట్స్.. తొందరగా ఇల్లు చేరాలని జనాలు గుంపులు గుంపులుగా పరుగులు తీస్తున్నారు  వాహనాల మీద.
నేను, వాడు ఒక చిన్న కేఫ్ లో కూర్చొని ఉన్నాం,అరగంట క్రితమే చాయ్ తాగి మాట్లాడుకుంటున్నాం. మాటల మధ్య మౌనంలో  ఏమి తోచక ట్రాఫిక్ ని గమనిస్తున్నాను.
డిన్నర్ ప్లాన్ ఏంటి ? అడిగాను..
ఎక్కడోచోట తిని ఫ్రెండ్ రూంకి వెళ్ళటమే..అన్నాడు.
మందు అలవాటుందా ?? 
'మందు' అనగానే కళ్ళు కొంచం తెరుచుకొని..పెదాలు విచ్చుకున్నాయి..నవ్వుగా ..
సిగ్గుపడుతున్నట్టు చెప్పాడు   "ఏదో అప్పుడప్పుడు.. మామ గారింటికి వెళితే తప్పదు కదా" 
మందు తాగకపోతే ఇంటికి రానివ్వరా  ఏంటి ??
పెళ్లి గిళ్ళీ లేని వాడివి నీకేం  తెలుసురా.. మా తోడల్లుళ్ళ ముందు చులకనైపోనా..తాగకపోతే  వాళ్లకి షోడాలు కలుపుతూ,వాళ్ళ సొల్లు కబుర్లు వింటూ కూర్చోవాలి..పండక్కి వెళ్ళాకపోతేనా ...మా ఆవిడ ఊరుకోదు.. ముందే పల్లెటూరు..ఏమి తోచదు. మొదటి సరి షోడా లు కలిపినా తరవాత మందు అలవాటు చేసుకున్నా... బాగోతం చెప్పుకొచ్చాడు.
సరే...ముందు గుక్కెడు మందుతాగి ఎక్కడయినా డిన్నర్ చేసి ఆ తరవాత మీ ఫ్రెండ్ రూం లో డ్రాప్  చేస్తాలే...అన్నాను నేను.
అలా అన్నది  స్నేహితుడి మీద ప్రేమతో  కాదు..ఎందుకో మనసు బాలేక.
వాడు సరే అన్నాడు..

పొడి పొడి మాటలతో మొదటి రెండు పెగ్గులు పూర్తయ్యాయి. మూడో పెగ్గు రెండో సిప్పు తాగాక మొదలు పెట్టాడు..
" మన ఉళ్ళో  రెండు ఇల్లు కొన్నాను.. బాలెన్సు దాదాపు అయిదు  లక్షల వరకు ఉంటుంది.. బంగారం ధర పెరక్క ముందే మా ఆవిడకి పది  తులాల నగలు  చేయించాను.మా ఇద్దరి పేరా..ఇద్దరు పిల్లల పేరా తలా రెండు లక్షల  LIC పాలసీలు ఉన్నాయి. పిల్లల పేరు మీద చెరో రెండు లక్షల fixed  చేయించా, ..మా ఆవిడా చాలా రోజుల నుంచి 'కారో' అని గోల చేస్తోంది. దానికి నాలుగు లక్షలు అట్టి పెట్టాను. చూడాలి రేపో మాపో...అంటూ  వ్యాపారంలో తను ఎలాంటి సవాళ్లు  ఎదుర్కొంటూ..నానా కష్టాలు  పడి  సంసారాన్ని ఎంత చక్కగా లాక్కోస్తున్నాడో ...... తన జీవిత విజయ గాధ చెప్పుకొచ్చాడు....అప్పటికి నాలుగో పెగ్గు ఖాళీ చేసి  అడిగాడు. 


" మరి నీసంగతేంటి ??  "

కొన్ని పేస్ బుక్కు పోస్టింగులు..

• బ్యాంకు బాలన్సు జీరో అయితే కాని జీవితం అర్థం కాదు. సంవత్సరాలు గడుస్తున్నా ఆ సున్నా అలాగే ఉంటే ...జ్ఞానోదయం అవటం ఖాయం..

Aug 22

•  చదువులు.రిలేషన్ షిప్పులు.. ప్రేమలు..సినిమాలు..హీరోలని ఆరాధించటం..ఎంజాయ్ మెంట్ .. .. వీటిల్లో యువత బిజీ గా ఉండటం... ప్రభుత్వం..పరిపాలన ..రాజకీయం అనే విషయాలమీద కనీస అవగాహన లేకుండా పోయింది... ఒక్కసారి  చదువు ఐపోయి ఉద్యోగం..సంపాదన..జీవితం.. సెటిల్మెంట్ విషయానికి వచ్చినప్పుడు మాత్రమె సమాజ అసలు స్వరూపం తెలుస్తుంది.
• ధనవంతులకి... affluent గా ఉన్న వాళ్లకి ఏ బాధాలేదు. ఏదోవిధంగా తమ పిల్లలని అన్ని సదుపాయాలూ ఏర్పరుస్తున్నారు. ఇక ఈ ప్రభుత్వం మీద ఆధారపడేది మధ్యతరగతి ..బీదా బిక్కి..మాత్రమే.

Aug 28

• మధ్య తరగతి మనుషుల్లో తెగింపు తక్కువ..సమాజం ఏమనుకుంటుందో అన్న భయం ఎక్కువ. కనక సహజాతాలని.. సహజ భావోద్వేగాల్ని కొంత అణిచి పెట్టి బతికేస్తుంటారు.మెల్లిగా జీవితం అంటే ఇదే అనే భ్రమ లోకి వెళ్ళిపోతారు.

Aug 30 (6 days ago)

• * దేశ భక్తి అంటే కేవలం పిడికిళ్ళు భిగించి జై కొట్టం..లేదా ఆగస్ట్ 15 న జండా కి సలాం కొట్టటం.. క్రికెట్టును ఫాల్లో కావటమే కాదు.. భారతీయ కళలని ఆస్వాదించటం కూడా దేశ భక్తే.

Sep 2 (3 days ago)

•   సుఖం దొరక్కుండా ఎన్ని గోడలు.ఎన్ని సెంటిమెంట్స్.. ఎన్ని నియమాలు..ఎన్ని డాంబికాలు ..ఎన్ని నీతులు పెట్టుకున్నాం,  మనం.. 
• దేవుడు ఉన్నా లేకున్నా..పలికినా .. పలక్కున్నా ఈ పసుపు కుంకం వేసి నైవేద్యాలు  పెట్టె వాళ్ళే ఎక్కువయ్యారు లోకంలో..

Jul 1

• * ముందుగా ప్రపంచాన్ని వదలాలి. తరువాత దేవుణ్ణి వదిలిపెట్టాలి. తరువాత గురువుని వదిలిపెట్టాలి. ఈముగ్గురినీ పట్టుకొని ఉన్నంత వరకూ అతను అజ్ఞానం లోనే ఉన్నట్లు లెక్క.

Jul 13

• * దేవుడు లేదు అని చెప్పటం సులభమే. కాని ఉన్నాడని నమ్మటం...నమ్మకం కలగడం మాత్రం చాలా కష్టం.

Jul 28

• *ఆధ్యాత్మికత అనేది వ్యక్తిగతంగా ఉన్నంతవరకు ఎలాంటి బాధ ఉండదు. ఎప్పుడయితే ఆది కమ్యూనిటీలోకి మారుతుందో అప్పుడు ఆది మతం రంగు పులుముకుంటుంది. ఈర్ష ..అసూయా లని రేకెత్తించి మారణహొమం సృష్టిస్తుంది.

Aug 27

• * నేనైతే దేవుడినే తప్పు పడతా.. ఎవడు అడిగాడని ఇచ్చాడు నాకు ఈ లైఫ్.. ? ఎవరి కోసం చేసాడు ఈ సృష్టిని ..ఈ సకల చరాచర ప్రాణుల్ని ?? . పాపం శరీరాల్లో బంధింపబడి ..బ్రతక లేక చావలేక ఒక్కో ప్రాణి పదే బాధ యాతన వర్ణనాతీతం.

Aug 27

• * రెండు తప్పులు.. సృష్టించటం మొదటి తప్పు.. సమానత్వం ఇవ్వకపోవటం రెండో తప్పు.. తప్పకుండా తిట్టుకోవలసింది వాడే. కాని తిడితే ఉన్నదీ ఉడపీకుతాడేమో అని భయం తో పూజలు చేస్తున్నాం.

పేస్ బుక్కు కి వచ్చేయండి. ..

కనిసం ఒక పేజీ అయినా రాయకుండా బ్లాగ లేము.. కావాలని పేజీ రాస్తే విషయం పెద్దది అయ్యి  అసలు విషయం సరిగ్గా చెప్పటం కుదరదు. సూది  లాగ సూటిగా గుచ్చుకునే రెండు మూడు వాఖ్యాలని బ్లాగ్ గా రాస్తే ఏం బావుంటుంది చెప్పండి. అందుకే ఇక్కడ వాటిని గుచ్ఛలేక ఫేసు బుక్కు లో గోడల మీద గీకుతున్నాను. కనక పేస్ బుక్కు కి వచ్చేయండి. వస్తారు కదా .. ఇదుగోhttps://www.facebook.com/profile.php?id=699239195 ఈ లింక్ నొక్కితే..ఓం బుషః నా ప్రొఫైల్ ప్రత్యక్షం అవ్తుంది..ఫ్రెండ్ రిక్వెస్ట్ పంపితే నా గోడ మీకు available.    :) 

అడిగే దిక్కే లేదు.

టైం అవుతోంది  ఆఫీసు కి వెళ్ళాలి.. కాని తొందరేం లేదు. నేను ఎంత లేట్ గా వెళ్ళినా ..అసలు వెళ్లకున్నా  నన్నేమి అనరు. ఎందుకంటే నేను లేకుండా ఒక్క పని జరగదు అక్కడ. అలా అని వెళ్ళకుండా ఉండలేను. కాకపోతే కొంచం ట్రాఫిక్ తగ్గాక.. చిన్న సైజు లంచ్ చేసి, బాక్స్ ప్యాక్ చేసుకొని పదిన్నర ,  పదకొండుకి  గాని  బయలుదేరను.  ఇంట్లో ఎవరో చుట్టాలు రావటం తో కేవలం బాక్స్ మాత్రమే తెసుకొని బయలుదేరాను.

ఎందుకో బాగా ఆకలిగా  అనిపించింది.. అంటే రోజు అదే టైం కి కానిస్తున్న కదా..అందుకేమో.

ఇహ లాభం లేదు ఏదైనా తినాల్సిందే అని అనుకొంటుండగా.. ఆనంద్ theator దాటాక ..ఒక  మొబైల్ టిఫిన్ సెంటర్ కనిపించింది. సరే చూద్దాం అని బండి అటు తిప్పి దాని ముందు ఆపానో లేదో..  ఎవడో పార్కింగ్ టికెట్టు తెసుకొని వచ్చాడు. 

బండి ఆపితే చాలు..ఎక్కడినుంచి వస్తారో..ఈ నాకొడుకులు..  

ఏంటి ?
పార్కింగ్

ఎంత ?

అయిదు రూపాయలు 

బాబు ,,ఇక్కడ నేనేమి సంపాదిన్చుకోవటానికి రాలే .. ఇక్కడ టిఫిన్ చేసి వెళ్ళాలి.అంతే..

అయినా కట్టాల్సిందే..

సరే కాని నీ లైసెన్సు చూపించు అన్నా..

అదా అది.. అటువైపు మావాడు ఇంకోడు ఉన్నాడు వాడిదగ్గర ఉంది. వెళ్లి చూసుకోండి అన్నాడు .

నేనే వెళ్లి వాడిని పలకరించి..బాబు లైసెన్సు చూపించు.. అని అడిగి..వీడికి డబ్బులు కట్టాలంట.

ఇదీ వాడి వాదన.

మన ప్రధానమంత్రి ఎవరు ?

నోరేల్లబెట్టాడు వాడు..

ఇదీ మనదేశ దౌర్భాగ్యం..

మన ప్రధానికి దేశాన్ని గురించి  దేశ ప్రజల గురించి, ప్రజలు రోజు పడే పాట్లు గురించి  తెలిదు..ఈ ప్రజలకి ప్రధానేవరో తెలిదు. (తెలిసినా నేను మాత్రం పెద్ద పోదిచేదేమి లేదనుకోండి.)  

ఇహ వాడితో వాదిస్తే ఆకలి ఎక్కువయ్యి అక్కడే పార్కింగు ఫీజు కట్టి తినాల్సోస్తుందని  .. "బాయ్ రా బ్రదరూ..

కళ్ళు తెరిపించావు.ఈ ఐదురుపాయలు కలుపుకుంటే.. టిఫిన్ సెంటర్లో దర్జాగా తినొచ్చు అంటూ బండి వెనక్కి తీసా.

 ఒక్క ఐదునిముషాలు ఓపిక పట్టవే..ఈ రోడ్డు తిండి ఎందుకు ..మంచి టిఫిన్ సెంటర్లో తినిపిస్తా అని ఆకలితో   చెప్పా .. అది హాప్పీ గా ఒకే అంది. 

అయితే మాట్లడుకోవాల్సిన విషయం ఏంటంటే.. ఆశకు నిజంగానే GHMC పార్కింగు ఫీజు వసూలు చేస్తోందా ??

ఎందుకు?
రోడ్డుమీద పెడితే ట్రాఫిక్కి అంతరాయం అనుకుంటే డబ్బులు కట్టి పెడితే మాత్రం అంతరాయం కాదా ??

పోనీ  రోడ్డుకు ఇరువైపులా గవర్నమేంట్ ఆస్తి,  అక్కడ పార్కింగు ఫీ  ద్వారా డబ్బు రాబట్టుకోవాలి అనుకుంటే..

 నెలకి  వంద రూపాయలు వసూలు చేసుకొని పార్కింగ్ కార్డు అని ఒకటి ఇవ్వచ్చుకదా.. license తో పాటు ఆ కార్డు పెట్టుకొని తిరుగుతాం.అడిగితే చూపిస్తాం. రోజూ ఈ  గొడవ ఉండదు కదా..అసలు  ప్రజలు వాహానాలు నిలిపే అవసరం ఉన్న చోటే నో పార్కింగ్ బోర్డు పెట్టి ఫైన్ వేసి డబ్బు వాసులు చేస్తోందని నా వాదన.

ప్రభుత్వ ప్రైవేటు  అని తేడాలేకుండా ఎక్కడ పడితే అక్కడ...పార్కింగు చేసే ప్రతి చోటా ఎవడో ఒకటు టిక్కెట్లు ముద్రించుకొని డబ్బులు వసూలు చేసుకుంటున్నారు.

అడిగే దిక్కే లేదు.  మీకు ఇలాంటివి ఎదురయ్యయా ??
ఎందుకొచ్చిన గొడవ  అని  పట్టించుకోరా ??

ఓ పేద హృదయపు ప్రేమ కథ

మనిషి ప్రేమని కోరుకుంటాడు. ప్రేమ కోసం తపిస్తాడు, చుట్టూ ఎంతో మంది మనుషులూ ఉన్నా ప్రేమించే హృదయం  అందరికీ దొరకదు. ఒక జోకర్ అందరినీ  నవ్విస్తాడు, అందరూ చప్పట్లు కొడతారు. తనని అందరూ  ప్రేమించినట్టు అనిపిస్తూంది, కాని తనని ఓ నవ్వించే బొమ్మగానే చూస్తారు  తప్ప మనిషి గా కాదు.
Khwaja Ahmad Abbas అందించిన అద్భుతమైన స్కీన్ ప్లే తో  నాకు ఈ సినిమా బాగా నచ్చింది.  దాదాపు మూడున్నర గంటల సినిమా అయినా ఎక్కడా పట్టు సడలకుండా మనసుని హత్తుకు పోతుంది...   http://navatarangam.com/2011/07/meranaam-jokar/

తేనే కన్నా తీయనిదీ తెలుగు బాష ...

చాలామంది తెలుగో అని ఏడిచేవాళ్ళు, ఇక్కడ తెలుగు లిపి ఉపయోగించి తెలుగు రాయరు. తెలుగుని ఇంగ్లీష్ అక్షరమాలతో టైపు చెసి చదవరాకుండా పెద్ద గందర గోళం శ్రుష్టిస్తారు. ఆది బద్దకమో, నిర్లక్షమో తెలిదు.
జీన్స్, t షర్టు వేసుకొని .. చెవుల్లో headphone ఇరికిన్చుకొని... పంచదార బొమ్మ బొమ్మ పట్టుకొవోద్దనకమ్మా ..fm వింటూ.. తనకోసమే వెయిట్ చేస్తున్న తెల్లని కారు లో ఝాం అని వెళ్లి, ఇంగ్లిషు లో లోడ లోడ వాగేసి నేల తిరిగేసరికల్లా తక్కువలో తక్కువ ఓ ప...దివేలు తెస్తుంటే..
తను నేర్చుకొన్న చంపక మాలలు , ఉత్పల మాలలు పైసా సంపాదనకి పనికి రాక పాపం తెలుగు మీడియం విద్యార్ధి, తల్లి దండ్రులు గొల్లు మని ఏడుస్తుంటే.. తెలుగు భాష కోసం మొత్తుకుంటున్న మేధావుల ఇస్తారా పదివేలు ??
పొట్ట కూటికోసం ఇంగ్లీష్ నేరుచుకుంటే..బాష మరిచిపోతున్నారని గోల పెడితే ఏం లాభం ? పొట్ట నిండేది ఎలాగా ??
పోనీ తెలుగు ఒక్కటే నేర్చుకుంటే సరిపోతుందా? అంటే అదీ లేదు..రాష్ట్రం దాటితే పనికి రాకపోయే.
నీరు పల్లమెరుగును.. అన్నట్టు.. ఏది అన్నింటికీ అనుకూలంగా ఉంటుందో దానికే వైపే మొగ్గు చూపుతారు కాని... ప్రవాహానికి ఎదురీదమంటే ఎలా ??
ప్రతుతానికి తెలుగు భాషకి వొచ్చిన నష్టం ఏంటో అర్థం కావటం లేదు.??
తిండి లేక మాడే వాడికి ఏ బాష తిండి పెడితే ఆ బాషే మాట్లాడుతాడు.
"అమ్మ అన్నం పెట్టదు అడుక్కు తిననీయదు " అన్నట్టుంది.. బాషభిమానుల మాటలు.
రేపటి నుండి అందరూ పంచెలు కట్టుకొని తిరగండి..... ప్యాంటు షర్టు ఎందుకో మరి ? ఆ కంఫోర్ట్ వదులుకోం..
అవ్వ బువ్వ రెండు కావాలంటే కుదరదు.
ఇతర దేశాల డబ్బు కావలి.. జాబ్స్ కావలి..కాని ..బాష మారొద్దు , సంకృతి మారొద్దు అంటే ఎలా కుదురుతుంది ?
ఈ software...BPO ఉద్యోగాలు ఉండబట్టి జనాలు బ్రతుకుతున్నారు గాని మన ప్రభుత్వాన్ని నమ్ముకుంటే..ఇన్ని ఉద్యోగావకాశాలు కలిపించేదా ? మనకున్న వనరులతో ?? (of course ఆయా కంపనిలకి permission ఇచ్చి ప్రభుత్వమే అయినప్పటికీ )
దేశ బాషను..సంకృతి ని కాపాడే బాధ్యత దేశానిదే.. ఆదేశ పాలకులదే.
ఓ పక్క...ఇంతకంటే పెద్ద పెద్ద అనర్థాలు జరిగిపోతుంటే ...అడిగే దిక్కు లేదు.
అయినా,,,  ఏం? ప్రపంచానికంతా ఒకే బాష .ఒకే సంకృతి ఉంటే తప్పేంటి ??

మగాళ్ళు ఎందుకు తాగుతారో....

మగాళ్ళు ఎందుకు తాగుతారో అని ఆడాళ్ళు అనుకుంటారు..
కాని తాగేది వాళ్ళ 'బాధ' పడలేకే అని తెలుసుకోరు.. ;)
మగువలేక మందు తాగేది కొందరు.
పొందులేక మందు కోరేది కొందరు.
స్త్రీ సన్నిహిత్ర్యం రాహిత్యమై కొందరు..
స్త్రీ దొరక్క కొందరు..
హేండిల్ చేయలేక కొందరు..
దొరికినా ప్రేమించటం  రాక కొందరు..
ప్రేమించినా అనుభూతి లేక కొందరు..


అడ దాని పోరు పడలేక కొందరు..
ప్రేమ పొందలేక కొందరు..
పొందిన ప్రేమ నిలవక కొందరు..
ప్రేమే లేక కొందరు..
లేని ప్రేమకై వెతికి  వేసారి కొందరు
ప్రేమ ఎక్కువై కొందరు..

వేస్ట్ గాడు

ఏంట్రా DULL గా ఉన్నావ్ ??
రెగులేర్ కేఫ్ లో..కొంచం ఇర్రేగులేర్  మిత్రుడిని కలిసా..
ఆహా.. ఎం లేదు.
ఒకే గాని ఎంతవరకు వచ్చింది నీ ప్రేమాయణం.?? అర్జెంట్ గా ఓ అమ్మాయిని 
ప్రేమించాలని ఆ మధ్య కంకణం కట్టుకున్నావ్ కదా..
ఆ... విప్పి అవతల పారేసా ..
ఎందుకని..??
ప్రేమించటం నావల్ల కాదు కనక..
కనీసం ప్రయత్నించావా..??
చాలా..!
మరి ..ఏమయ్యింది ?
అయ్యేదేముంది..అందరి మహానుభావుల్లాగే నాకు ఒక నిజం తెలిసింది.
ఏంటది ?
కొంచం ఎక్కువ చొరవ చూపించి మాట్లాడామా  "  వేదిస్తున్నాడు  " అని మనతో కట్..
ఎందుకొచ్చిన  బాధ అని ఊరికే ఉన్నామా ...'టేస్ట్  లేని  వేస్ట్ గాడు..అని వదిలేస్తారు.. :(  

ఆ 'నీవు' ఎవరో..??

జీవితంలో సాధించింది ఏమీ లేదనే బాధ నిద్ర పట్టనివ్వక.. 

తెల్లవారి నాలుగున్నరకి  మెలకువ వచ్చింది..

అసహనంగా అటు ఇటు దొర్లాను..

ఏమాత్రం ఉపశమించలేదు..

తలుపులు తెరుచుకొని బయటకి వెళ్లాను.

నీ జ్ఞాపకాన్ని మోసుకొచ్చిన  చిరుగాలి మొహాన్ని తాకింది.. 

మనసు కొంచం కుదుట పడింది..

ఆ 'నీవు' ఎవరో తెలిస్తే ఎంత బావుణ్ణు.

మాట్రిమొనీ కథలు ( కష్టాలు ) - 2

 క్రితం పోస్ట్ లో ఆ కాల్ సెంటర్ అమ్మయితో అంత ఆవేశంగా మాట్లాడటానికి కారణం ఉందండీ. అదేంటంటే... 

ఇంట్లో వాళ్ళ పోరు ఎక్కువైంది"పెళ్లి కోసం" .  నచ్చిన  అమ్మయినైనా వెతుక్కోవాలి లేదా మావాళ్ళు తెచ్చిన సంబంధం అయినా చేసుకోవాలి .  ఒత్తిడి పెరుగుతోంది. అందుకే ఇహ లాభం లేదని ప్రోఫైల్స్  సెర్చ్ చేస్తున్నాను. కులాంతర వివాహం కుదరదు కనక మా కమ్యూనిటీ వాళ్ళని వడబోసి వెతకటం ప్రారంభించా .

 ప్రొఫైల్ ఎలా తగలడ్డాయి అంటే...

సగానికి పైగా ప్రోఫైల్స్ కి ఫొటోలే లేవు. 

ఫోటో పెట్టిన వాళ్ళ మొహం బావుండదు.. సారీ ఇలా అనటానికి ఒక కారణం ఉంది. ఆ ఫోటోలు  పెళ్ళికోసం దిగిన   ఫోటోలు కాకుండా ఫ్రెండ్స్ తో తీసుకున్న ఫోటోలు.. వేరే ఫంక్షన్ లలో తీయించుకున్న ఫోటోలు . చాల వరకు మొబైల్ కెమేరాతో తెసినవి. అవి ఎం బావుంటాయి చెప్పండి ??  ఆ ఫోటోలు చూస్తుంటే చేసుకుంటే చేసుకో. లేకపోతే లేదు.. అన్నట్టు ఉన్నాయి. ఇంకొంత మంది ఓ నాలుగు మెట్లు ఎక్కి,  పక్కన ఎవడో అబ్బాయి ఉన్న ఫోటోలు  కూడా పెట్టారు ? వాడు బాయ్ ఫ్రెండ్ ఆ ..తమ్ముడా. అత్త కొడుకా.. ఎలా తెలిసేది ?  ఎంత  modren girl అయితే  మాత్రం  ఇలాగా  

horoscope  must match  అంటారు కాని వాళ్ళ horoscope   ఉండదు . 

partner preference :  I want a decent person as my life partner..
  వీళ్ళకి కావలసిన దేసెంట్ ఏంటో ఎలా తెలిసేది ?? 
ఇంకిత జ్ఞానం మనుస్కుల్లో బొత్తిగా కొరవడిందని నాకు ఇక్కడే జ్ఞానోదయం  అయ్యింది.

ఇలా వింత వింత ప్రొఫిలెస్ అన్నింటినీ దాటుకొని వెళుతుంటే   ఓ అమ్మాయి కొంచం మన టైపు లా ఉంది అని వివరాల్లోకి వెళ్ళాను,    మా అమ్మాయి  ముప్పై వేలు  సంపాదిస్తోంది .. . మీరో యాభై వేలు  సంపాదిస్తే తప్ప ఈ ప్రొఫైల్ చూసే  అర్హత లేదు అని  ఖరా ఖండిగా చెప్పాడు వాళ్ళ నాన్న . మూసుకొని  మూసేసాను.

అలా నేను వారం రోజుల పైగా.. రోజుకు నాలుగు గంటల చొప్పున.. వందలకి వందలు  ప్రోఫైల్స్  సెర్చ్ చేస్తుంటే   ఓ ప్రొఫైల్  తలుక్కున మెరిసింది. వివరాలు..ఫోటో.. haroscope అన్ని ఉన్నాయి. partner preference కుడా  సరిపోట్టే ఉంది.   అన్ని కలిసినట్టే అనిపించింది.   

" మీ ప్రొఫైల్ నచ్చింది .. మీకు నచ్చితే తెలియజేయండి"   నా ఇంట్రెస్ట్ ని express  చేసాను.
సరిగ్గా వారం తరవాత  "నాకు కుడా  మీ ప్రొఫైల్ నచ్చింది " అన్నట్టు నా ఇంట్రెస్ట్ ని accept  చేసినట్టు మెయిల్ వచ్చింది.

 ఆమె ప్రొఫైల్ ని ఒకటికి రెండు సార్లు చూడటం తో రెండురోజులు గడిచాయి.  మా కజిన్ ని పిలిపించా. వాడికి  జాతకాలూ...లెక్కలు వేయటం లో కొంచం ప్రవేశం ఉంది. నాకు వీటిమీద పెద్ద ఇంట్రెస్ట్ లేకపోయినా  తరవాత  మా వాళ్ళు  పేచీ పెట్టకుండా, అదేదో మనమే చూస్తే .. అందుకే ...

" అన్నీ బానే కలుస్తున్నాయి"  అని మావాడు శుభం పలికాడు.

ఎవరైనా ఒకరికి మెంబెర్ షిప్పు ఉంటె తప్ప ఎదుటి వాళ్ళ ఫోన్ నెంబర్ /ఈ మెయిల్ కనపడదు.  నేను తీసుకోవలా ? లేక వాళ్ళే  తీసుకొని నాకు ఫోన్ చేస్తారా ? అని నేను టెన్షన్ పడుతోంటే ..
 " వాళ్ళ సంగతి వదిలెయ్యి. అమ్మాయి వాళ్ళు. నీలాంటి వాళ్ళు  వందమంది దొరుకుతారు వాళ్లకి .  కాని నీకు దొరకొద్దూ ".. అని మా వాడు చురుక్కు మనిపించాడు.
పచ్చినిజం వెలగకాయ లా అనిపించింది. అందుకే మరునాడే matrimony వాళ్ళకి పోనే చేశా.. ఎక్కడ  pay చేయాలో కనుక్కుందామని..
" సర్ ..మీరు కళ్ళు కదపకుండా అక్కడే కూర్చోండి  మా exicutive వస్తాడు మీ దగ్గరకి ..అరగంటలో.. కాదు కాదు ఇరవై నిముషాల్లో..
ఆహా .. ఏమి నా భాగ్యము.. ఏదో సామేత చెప్పినట్టు.. 'వెతకబోయిన తీగ కాళ్ళకు తగులుతుందని'. 
వచ్చాడు.. డబ్బు కట్టాను.. మెంబెర్ షిప్పు తీసుకున్నాను..  ఓ నలభై నమ్బెర్స్  చూసుకోవచ్చు .మూడు నెలల కాల వ్యవధిలో...

ఆ అమ్మాయి నెంబర్  నోట్ చేసుకున్నాను.... రెండు సార్లు ట్రై చేశా.   ఎవరు లిఫ్ట్ చేయటం లేదు.ఓ రోజు గడిచిపోయింది.
మరుసటి  రోజు ఉదయాన్నే ట్రై చేశా..ఓ ఆడ గొంతు.. నాకు టెన్షన్..రెండు సెకన్లలో టెన్షన్ తగ్గింది. ఆమె వాళ్ళమ్మ. 


మీ అమ్మాయి ప్రొఫైల్ చూసానండి. నచ్చింది.
మీరు కూడా నా ప్రొఫైల్ నచ్చినట్టు రిప్లై ఇచ్చారు. అందుకే ఫోన్ చేస్తున్నా..
మీ పేరు.. 
చెప్పాను
ఎం చేస్తుంటారు..
చెప్పాను 
డేట్ అఫ్ బర్త్ 
చెప్పాను
age difference  ఎక్కువుందండీ..

నాకు ఏంచెప్పాలో తెలియలేదు...అంటే ... కాని ....నేను ..మీరు ప్రొఫైల్ చూసారు కదండీ.. అయినా నేను అలా కనపడనండి...

మూడేళ్ళ కన్నా ఎక్కువ తేడా ఉంటె  మేము చేసుకోము .. అని ఏ మాత్రం  మొహమాటం లేకుండా  ఫోన్ పెట్టేసింది. 
అంతే....ఒక్క నిముషం నాకు మతి పోయింది.


నా ప్రొఫైల్  లో క్లియర్ గా అన్నీ రాసాను. చూడకుండానే మీ ప్రొఫైల్ నాకూ  నచ్చింది అని   రిప్లై ఇచ్చి.. 
తీరా నేను డబ్బులు కట్టి ఫోన్ చేస్తే...
 మూడేళ్ళ కంటే తేడా  సంబంధం మాకు వద్దు  అని ప్రొఫైల్ లో రాసి ఏడవచ్చు కదా...  దొంగ __


కోపం ముంచుకొచ్చి...ఫోన్ విసిరికొట్టే వాడినే. కాని మళ్ళీ మూడువేలు గుర్తొచ్చి...ఆ ప్రయత్నం విరమించుకోవాల్సి వచ్చింది.. :(

మాట్రిమొనీ కథలు ( కష్టాలు )

 సర్..  నేను ____________ matrimony  నించి మాట్లాడుతున్నాను.
చెప్పండి.

సర్ మీ ప్రొఫైల్ కి requests  వస్తున్నాయి కదా..

ఏమో..ఉండొచ్చు.. అయితే.
సర్ ..మీరు మెంబర్షిప్ తీసుకొంటే వాళ్ళతో కాంటాక్ట్ చేసే అవకాశం ఉంటుంది కదా.
ఆ ముక్క వాళ్లకి చెప్పు. ఇంట్రెస్ట్ ఉన్నవాళ్ళు కాల్ చేయలేరా..
ఆది కాదు సర్.. మెంబర్షిప్ తెసుకుంటే  మీకు నచ్చిన నలబై మందికి  తో కాంటాక్ట్ చేయవచ్చు. వాటిల్లో ఏదో ఒకటి కుదిరే ఛాన్స్ ఉంది కదా.
నాకు నచ్చితే.... వాళ్లకి నచ్చాలి కదా..
అదే వాళ్లకి నచ్చితే పెళ్లి కుదిరే అవకాశం ఉంది కదా..
వాళ్ళకి నచ్చితే మెంబర్స్ అయ్యి,  నా నెంబర్ యే వాళ్ళు తీసుకుంటారు కదా
సార్ ఆది కాదు...
ఏంటి కాదు. తొక్క.. నీ ......
మీ సైట్ లో ఒక్క ప్రొఫైల్ అయిన సరిగా ఉందా.. ఫోటో ఉంటే ఇన్ఫర్మేషన్ ఉండదు.. ఇన్ఫర్మేషన్ ఉంటే ఫోటో పెట్టరు.  సరే ఫోటో ..ఇన్ఫర్మేషన్ ఉంటే ఫోన్ నెంబర్ ఉండదు. ఫోన్ నెంబర్ ఉంటే ఆది పని చేయదు. వాళ్ళు ఇచ్చిన నెంబర్ వాళ్ళ దేనా కాదా అని మీరు inquiry   చేయరు. అసలా ప్రొఫైల్ పెట్టేవాడు పెళ్ళికి పెడుతున్నడా..సరదాకి పెడుతున్నాడో కూడా మీకు తెలియదు.  ఎవడూ పడితే వాడొచ్చి ప్రొఫైల్ పెట్టేస్తారు.

పోనీ  పెట్టినవాళ్లకి  ఆశ ఎక్కువ.
ప్రతి పోరీ కి చల్లగా జాబ్ చేసే సాఫ్ట్వేర్ ఇంజనీర్స్ యే కావాలి. నెలకి ముప్పై నలభై  వేలు సంపాదించి దాని చేతిలో పోయాలి......
సర్ సర్... అదేం లేదు సర్..అన్ని రకాల వాళ్ళూ ...
హే ఆపు...నీ అమ్మ.. మీరే profiles create  చేసి... రిక్వెస్ట్ పంపించి...చూసారా మీకు రిక్వెస్ట్లు వస్తున్నాయి అని మెంబెర్షిప్ అంటగడతారు.
సర్ లేదు సర్ .. నిజంగా
అవునా... నీదేనా  ఈ సైట్..
కాదు సర్.. నేను employ ని...
కదా...మీ బాస్ ఎవరు ?
అదీ...actually....
తెలుసుకో.. తెలుసుకొని ..వాడిని నా దగ్గరకు పంపు.  నేను నేర్పిస్తా ..  మాట్రిమొనీ   సైట్ ఎలా ఉండాలో ఎలా సర్వీసు ఇవ్వాలో....అలాగే  జీతం వస్తుంది కదా అని కంపెనీ ఏంటో తెలియకుండా జాయిన్ కాకు...కొంచం జనాలకి ఉపయోగపడే కంపనీలో పనిచెయ్యి..

 సర్ ..:(

అర్థం అయ్యిందిగా ...!!

నేను..నా మిత్రుడు ఒక కేఫ్ లో కూర్చున్నాం. 
చాయ్ తాగుతూ అదీ ఇదీ మాటలయ్యకా..
 " ఎంతకాలం ఇలా ?? future గురించి ఆలోచించు కొంచం " అన్నాను.
 వాడు మౌనంగా ఆలోచిస్తున్నాడు.
ఇంకో టీ తాగాం, ఆ మౌనం మధ్యలో..
" ఏం ఆలోచిస్తున్నావ్ ?
future గురించి ?
అదే ఏంటి అని ?
'' life after death" ఎలాఉంటుంది అని
నీ ఆమ్మ.. future అంటే.. మరీ అంత దూరం పోవద్దురా...
రేపు ఎల్లుండి..ఈ సంవత్సరం.. అంతే చాలు... :(

అర్థం అయ్యిందిగా నా మిత్రుడి పరిస్థితి.

"ఛీ.... నీ బతుకు "

డిగ్రీలో ఉండగా city బస్సు ప్రయాణం.. కోటి లో బస్సు ఎక్కేవాడిని. వయసు ప్రభావం వల్ల ..బస్సు ఎక్కగానే ముదుకు వెళ్ళటమే .. బస్సు రుష్ గా అయితే అమ్మాయిలు తాకక పోతారా అన్న ఆశకి. నా దురదృష్టానికి ..నేను ఎక్కినా బస్సు ఎప్పుడు ఖాళీ యే.. కానీ ఒక రోజు ...

రోజులాగే బస్సు ఎక్కాను.. ముదుకు వెళ్లి నిల్చున్నా. అదృష్టం పండి బస్సు రష్ గా అయ్యింది.
బిల బిల మంటూ ఆడాళ్ళు ఎక్కారు. నా చుట్టూ నించున్నారు. నేను వల్ల వైపు చూస్తే వెన్నకి వెళ్ళు అనో.. మరేదో ఇబ్బంది పడతారని.. ( తగిలే వాళ్ళూ తగలటం ఆపెస్తారని ) ...కిటికీ లోంచి బయటకే చూస్తున్న.. అటు ఇటు సర్దుబాటులో .. మెత్తగా ఎవరో తాకారు.. ఆ ఆనందాన్ని లోలోపలే అనుభవిస్తూ..మనసులోపలె కెవ్వు కేకలు. అలా బస్సు ప్రతి కుదుపుకు నా 'కక్కుర్తి సంతోషం'  .అమెకుడా నన్ను ఏమాత్రం తలలనట్టే ఉంది. ఇది ఆమెకీ ఇష్టమేమో అనే ధ్యాస లో  నేను. అరగంట తరవాత నా stop వచ్చింది ..
సరే దిగిపోయే ముందు .. నాకు ఇంత ఆనందాన్ని ఇచ్చిన సుందరరూపాన్ని దర్శించుకుందామని వెనక్కి తిరిగాను..
అంతే....  " ఛీ... నీ బతుకు"  అని నన్ను నేనే తిట్టుకోవాల్సి వచ్చింది..
ఎందుకంటే...
.....
............ఆమె ఓ పండు ముసలి. 

ఇహ అప్పటినుంచి .. బస్సులో ముందుకు వెళ్లి నించోవటం చేయలేదు.

నేనూ ఒక scam చేసానండోయ్ ..

నేను ఇంటర్ చదివేటప్పుడు నాకు యమా సినిమాల పిచ్చి. ఇదీ అదీ అని కాకుండా అన్ని సినిమాలు.. కానీ జేబులో డబ్బు ఉండేది కాదు. ఎప్పుడు జేబులు గల గల లాడినా తిండి లేకున్నా  కాలేజీ ఎగ్గొట్టి సినిమాలో దూరేవాడిని.

మా ఫ్రెండ్ ఒకతనికి స్కాలర్ షిప్ వచ్చింది కాని అతడు అప్పటికే కాలేజి వదిలి పోయాడు. ఇంకో ఇద్దరు మిత్రులు నాకు  విషయం  చెప్పి,  అతని  పేరు మీద నా identity కార్డ్ తయారు చేసారు.నా పేస్ features కొంచం అతనిలాగే ఉంటాయి మరి. నేను చేయవలసిన పనల్లా ప్రిన్సిపాల్ ని కలిసి చెక్ తీసుకోవాలి. 

స్కాలర్ షిప్ వచ్చిన వాళ్ళందరూ ప్రిన్సిపాల్ ని కలవాలి. అతను రెండో మూడో ప్రశ్నలు వేస్తాడు. సమాధానం చెప్పాలి. చెక్ మీద sign చేసి మన చేతికి ఇస్తాడు. పక్కనే  register లో మనం చెక్ తీసుకున్నట్టు సంతకం చేయాలి. ఆ తరవాత మీకు తెలుసుగా..డబ్బు మనదే.

ఆది గవర్నమెంట్ కాలేజీ కనక  వందల సంఖ్యలో విద్యార్థులు ఉంటారు. ఎవరు ఎవరో ప్రిన్సిపాల్  గుర్తుపట్టే ఛాన్స్ యే లేదు అని అని నన్నుlure చేసారు.
డబ్బు ..అ డబ్బు తో చూసే సినిమాల లిస్టు కళ్ళముందు కనపడే సరికి నేను scam లో పాలు పంచుకున్నా.

   భయం భయంగా ఆ రోజు ఆఫీసు ముందు నిల్చున్న.. ప్రకాష్ అని పిలిచారు , నేను చుట్టూ చూస్తున్న.. నాపక్కన ఫ్రెండ్ నన్ను డొక్కలో పొడిచాడు అప్పుడు గుర్తొచ్చింది నేనే ప్రకాష్ అని. గుండె ని అదిమి పట్టి లోపలికేల్లాను. 

నీ పేరు.. 

చా.ప్రకాష్ సర్..

గ్రూప్.. మ్మ్ మ్మ్  MPC..

మీ నాన్న ఏం చేస్తాడు..

వ్యవసాయం.  

అతను మాములుగా చూసినా నన్ను అనుమానం తో చూస్తున్నాడేమో అని అనిపించింది. భయం వేసింది . ఈ లోపు చెక్ మీద సంతకం పెట్టి నా చేతికి అందించాడు బాగా చదువుకో అంటూ.. నేను registerలో సంతకం చేస్తుంటే ఇంకో విద్యార్ధి వచ్చాడు.  హమ్మయ్య ఇహ నన్నెవరు గమనించరు అనుకొని .. చెక్ తెసుకొని ఆఫీసు రూం బయటికి రాగానే పరుగో పరుగు.. మళ్లీ ఏ అనుమానం వచ్చి వెనక్కి పిలుస్తారో  అని. హహ్హ 

మొత్తానికి 325 రూపాయలు వచ్చింది నా వంతుకి. :) :)

సముద్రం..

లోకంలోని సంతోషాన్ని తనదిగా కేరింతలు కొట్టే అలల సముద్రం.
ఒక ఆనంద తరంగం ఈ సముద్రం.
ఒక తుళ్ళింత  ఈ సముద్రం.
ఒక లాలింపు ఈ సముద్రం..
ప్రపంచపు బాధనంతా   నిండుగా నింపుకున్న కన్నీటి సముద్రం..
ఒక ఎదగోష ఈ సముద్రం..
ఎడతెగని తపన ఈ సముద్రం..
ఎగసిపడే ఆరాటం ఈ సముద్రం..

తేడాఏమీ లేదు

ఇండియా.. దీని గురించి ఎంత చెప్పినా తక్కువే.. ఇదో గమ్మత్తయిన దేశం. ఎటు చూసినా మూడనమ్మకాలు..సెంటిమెంట్లు, అర్థం లేని ఆచారాలు. 

కుల మతాలతో వచ్చే కుళ్ళు కంపుని ఇంపుగా పీలుస్తారు. 

బయటికి బాగానే నవ్వుతారు..కాని లోపల అంత విషమే....

స్త్రీ లను గౌరవించటం మన సాంప్రదాయమ అంటూనే..."స్త్రీ" మీద రోజూ  అఘాయిత్యమే. 

'చదువు' కేవలం ఉద్యోగానికే ఉపయోగిస్తారు తప్ప తర్కానికి కాదు. .

దుర్గ..సరస్వతి ..లక్మి అని పుజిస్తూనే..చంటి దాన్ని గొంతు నులుపుతారు. 

దేవుడు అంటే భయం..కానీ మనుషులని చంపటం ఆగదు. స్త్రీ అంటే గౌరవం...మాన భంగాలు ఆగవు. 

ఇంతకు మునుపు 'స్త్రీ ' ని భర్త చావగానే చితిలో కాలిపో అన్నారు.. ఇప్పుడు గర్భం లోనే మాడిపో అంటున్నారు. తేడాఏమీ  లేదు ..కేవలం కాలం మారింది అంతే. 

స్త్రీ ని ఇంతగా exploit చేసిన దేశం ఇంకేది  లేదు.

one Coffee.. one flavored Milk

శ్రీకర్ ATM సెంటర్ దగ్గరకి వెళ్ళాడు. బాలన్సు చెక్ చేసుకున్నాడు.
నాలుగు లక్షల రెండువేల మూడువందల నాలుగు రూపాయలు..

ఓ అయిదు వేలు   డ్రా చేసాడు.

తన ఫ్లాట్ కి వచ్చాడు.. బాగా అలసటగా ఉంది.సాధారణంగా సాయంత్రం అయితే గాని ఈ అలసినట్టు అనిపించదు. కాని ఎందుకో అనిపిస్తోంది..జీవితంలో అలసి పోయినట్లు.. fridge లోకి చూసాడు. ..నాలుగు  టమోటాలు..అయిదు గుడ్లు.. పచ్చి మిర్చి. కొత్తమీర కట్టలు ఉన్నాయి. వాటితో పాటు   రెండు  ఫ్లేవేర్డ్ మిల్క్ బాటిల్స్  .  ఎప్పుడు flavored మిల్క్ ఉంచుతాడు. ఎందుకంటే..................................అలవాటు అయ్యింది.


 శ్రీకర్ పనిలో నిమగ్నం అయి ఉన్నాడు. ఇంతలో మేనేజర్ జి మెయిల్ లో మెసేజి వచ్చింది. లోపలి రమ్మని.
 లోపలి వెళ్తే ..అక్కడ సన్నగా పొడుగ్గా గుండ్రని  మొహం  మెరిసే కళ్ళు ..చెవులకి పెద్ద రింగులతో చిరునవ్వుతో నిహారిక.
శ్రీకర్ ..she is నిహారిక..
నిహారిక మీట్  శ్రీకర్.. యు  have to work in his team .
హలో ..
హలో ..చెప్పుకున్నారు ఇద్దరు.

ఆ మాత్రం టైం ఇచ్చిన మేనేజర్ .. నిహారిక మీరు ఇక వెళ్ళవచ్చు. i have already mailed u abt the project. ఒకసారి  మొత్తం  బాగా చూసి శ్రీకర్ ని కలవండి.

thank  యు  సర్. నిహారిక వెళ్ళిపోయింది.

రెండు నిముహాలు మేనేజర్ తో మాట్లాడి తన కుబే కి వచ్చాడు శ్రీకర్,

వచ్చి అల కూర్చున్నాడో లేదో..

హలో.. నిహారిక  పింగ్ చేసింది.

హలో..

బిజీ?
నో చెప్పండి.

నొథింగ్ ముచ్ ..జస్ట్ గోయింగ్ తోరో ది ప్రాజెక్ట్.

ఒకే.

నాకో డౌట్ ..

చెప్పండి..

మీరు  కాఫీ తాగుతారా ? 

ఏంటి ఇదా డౌట్ ?

ఒహ్హ సారీ ..I mean coffee  తాగుతూ మాట్లాడుకుందామా ?

వంద మంది అమ్మాయిలని అడిగితే ఒక్క అమ్మాయి కాఫీకి రావటం కష్టం.. కాని  అమ్మాయి అడిగితే అబ్బాయిలు Q కడతారేమో ! ..

శ్రీకర్ రాకుండా ఉంటాడా..

సరే ...after half an hour ..  అప్పుడే వెళ్ళవచ్చు. కాని ఆ మాత్రం లేకుంటే టీం లీడర్ గా పరువేం ఉంటుంది. ?

మీకు కాఫీ ఏ కదా.. ఒనె కాఫీ ..అండ్

ఏంటి మీరు తాగారా ?

నో..చాల చాల తక్కువ..

మరి కాఫీకి రమ్మని అన్నారు. 

కూల్ డ్రింక్ కి.. flavored మిల్క్ కి రండి అని అంటే బావుండదు కనక.. . :)

హహ.

one Coffee.. one flavored Milk

                           ......................................

' ప్రేమ' తనని వదిలేశాక ( katha - 1 )

శ్రీకర్ మేనేజర్/HR గదిలోకి వెళ్ళాడు. తన resignation లెటర్ టేబుల్ మీద పెట్టాడు.
ఏంటి సడన్ గా ?
కంపెనీ మారుతున్నవా ?? హైక్  కోసం ??
అని బయటికి అన్నా ..అతనికీ తెలుసు  శ్రీకర్ ఎందుకు resign చేస్తునాడో.
అందుకే అలా అడుగుతూనే  accept చేసాడు.
శ్రీకర్ మాత్రం మౌనంగా ఉన్నాడు.
3 డేస్ లో  experience certificate & salary certificate మీ అడ్రస్ కి పంపిస్తాను.
థాంక్ ఉ సర్.. బాయ్..
శ్రీకర్ తన cube దగ్గరికి వచ్చి తన వస్తువులన్నీ సర్దుకొని..ఒక్క సారి ఆఫీసే చూసాడు.
కొంతమంది తమపనుల్లో తాము నిమగ్నం అయ్యారు..కొంత మంది ..తన స్నేహితులు తనని గమనిస్తున్నారు..
తను వాళ్ళవైపు చూసి..తన వస్తువులతో నడుస్తూ...ఒక్కసారి 'నిహారిక' ఉండే cube వైపు చూసాడు .. ఖాళీ గా ఉంది.
ఒక్క క్షణం బాధ ఉవ్వెత్తున ఎగిసింది..కాని మొహం లో అదేమీ కనపడనీయకుండా..బయటికి నడిచాడు.


ఈ రోజు మనని చూసి నవ్విన పువ్వు..రేపు వాడిపోతుంది.. ఆ నిజానికి అలవాటు పడాలి.
అలాగే మనం దేనినైనా ఎంతగా ప్రేమిస్తామో..ఆ ప్రేమ మనని వదిలి పోతే అంతే నిబ్బరంగా ఉండగలగాలి. అని ఎప్పుడూ అనుకునేవాడు, కాని ' ప్రేమ' తనని వదిలేశాక కాని తెలియలేదు...తనకా శక్తి లేదని........

తీయని గొంతు

నిన్న ఎవరో అమ్మాయి ఫోన్ చేసింది... తీయని గొంతుతో..
 " సర్ జీవితాన్ని అద్భతంగా మార్చేయగల దివ్య మైన ఉంగరాలు..రాళ్ళూ...రప్పలు..మణులు ..మాణిక్యాలు..కంకణాలు..వడ్డాణాలు ఉన్నాయి.   తీసుకుంటారా "
ఒక పని చేస్తావా ??
చెప్పండి సార్ ..

చంపెయ్యి నన్ను..

సార్ ...
ఆ మాటకి ఫోన్ కట్ చేసి తీరాలి అని   కట్టయిందో లేదో చూసా..కాలేదు.
 " సార్ మీ frustration తొలగించుకోవాలంటే మీరు మా ఉంగరం పెట్టుకోని చూడండి సార్ మీ మనసును పీస్ ఫుల్ గా ........" 
మళ్లీ ఫోన్ కట్ అయ్యిందో లేదో చెక్ చేశా..
అయ్యింది.
ఎందుకంటే చేసింది నేనే కదా..

ఏ జో దేశ్ హై మేరా..

మారేడ్పల్లి నుంచి వస్తున్నాను.. అక్కడ ఏదో విగ్రహం ఉంది.. దుమ్ముకొట్టుకుపోయి. అక్కడ  ఉన్న సిగ్నల్ దాటి మలుపు తిరుగుతున్ననో లేదో..ట్రాపిక్ పోలీసులు.. జనాన్ని ఆపుతున్నారు..రోడ్డుమీదకు  అడ్డంగా వస్తూ..

ఉదయం పదకొండు ..సికిందరాబాదు ..తార్నాక..మారేడ్పల్లి ఇలా మూడువైపుల నుంచి వచ్చే ట్రాఫిక్ లో వెళ్ళటమే కష్టం రా బాబు అంటే..మధ్యలో వాహనాలని ఆపుతూ ట్రాఫిక్ పోలీసులే ట్రాఫిక్ ఆగేట్టు చేస్తే..ఏం అనాలి ? కొంచం ముందుకు వెళ్తే సెయింట్ ఆన్స్ స్కూల్ ముందు ఖాళీగా స్థలం  ఉంది. అక్కడ వాహనాలను ఆపినా  మిగతావారికి ఇబ్బంది కలగదు.
ఇంకిత జ్ఞానం అంటారు దీన్నే. పదో ..ఇంటర్  ..అత్తెసరు మార్కులతో అప్పుడెప్పుడో   పాసయ్యి..promotions ద్వారా SI అయితే ఇలాగే ఉంటుంది.  వాళ్ళ మెదడు ఇలా కాక ఎలా పనిచేస్తుంది ???
సరే ఇది పక్కన పెడితే..
 cbz మీద జోరుగా వస్తున్న పాష్ యువకుడిని ఆపాడు ఒక భటుడు.
ఏంటి ?
లైసెన్సు..RC చూపించు..
చూపించాడు..
ఇన్సురన్సు..
చూపించాడు..
pollution..
లేదు..
ఫైన్ కట్టు
ఎంత ??
150 /-
ఆ యువకుడు ఒక్కనిముషం అన్నట్టు సైగ చేసి  మహా కూల్ గా  gold flake సిగరెట్టు వెలిగించాడు....గుండెనిండా పొగ పీల్చి..ఉదాడు..
అప్పుడు అన్నాడు..పచాస్ లేలో.. అని..
ట్రాఫిక్ భటుడి మొహం వెలిగింది..
ఆంగీకారపు  నవ్వు పెదాల మీద కనబరచాడు.
purse తీసి ..ఓ యాభై నోటు ఇచ్చాడు..ఆ ఇచ్చే పద్దతి చూస్తే ఎవ్వరికైనా తెలుస్తుంది..బిచ్చగాడికి వేసినట్టు వేస్తున్నాడని..
దాన్ని మహా ప్రసాదం లా అందుకునుని..చిరునవ్వుతో పనిలో లీనం అయ్యాడు మన భటుడు.
జై భారత్ అని తన దేశం మీద   ఒక్క నవ్వు నవ్వుకొని...మళ్ళీ అదే వేగం తో వెళ్ళిపోయాడు.

నేను మనిషిని.

ఓ వేసవి సెలవుల్లో ఉరువెల్లి హాయిగా పొద్దు మాపు తిని పడుకుంటున్నా. మధ్యలో పుస్తకాలు తిరగేస్తూ.

ఓ రోజు పొద్దున్నే ఎక్కడినుంచి వచ్చిందో ఏంటో ..ఓ బుజ్జి కుక్క పిల్ల వచ్చింది లోపలికి .వెల్లగోట్టాను.. కాని కొద్దిసేపటి తరవాత మళ్ళి వచ్చేసింది. ఎన్ని సార్లు వెల్లగోట్టినా మళ్ళి మళ్ళి సిద్దం అయ్యేది. ఏం చేయాలో..ఎలా వెల్లగోట్టలో తెలియలేదు. ఏదో రునానుభంధం ఉందేమో...సరేలే అని వదిలేసాం.

ఒక పగిలిపోయిన కుండ పెంకు లో అన్నం,పాలు కలిపి పొద్దు మాపు పెట్టాం. అలా పది పదిహేను రోజులు గడిచిపోయింది,

ఇంట్లో వాళ్ళం ఎవ్వరం వచ్చినా  ..చిన్ని తోక ఆడించటం.. కాళ్ళు రాసుకుంటూ ప్రేమని వ్యక్తం చేయటం..వగలు పోవటం...అన్ని చేసేది..ముచ్చటగా అనిపించింది..అదే తెలియని మొహం రాగానే పెద్ద గొంతు తో ఒకటే అరుపు.  ఇంటి ముందు సింహం లాగా కూర్చునేది వచ్చిపోయే వారిమీద అరుస్తు . ఎక్కడెక్కడో తిరిగి హుందాగా ఇది నా ఇల్లు అన్నట్టు వచ్చేది. తనకోసం వేసి తట్టు సంచిలో..ఏదో ఆలోచిస్తూ పడుకునేది.. టైం కి అన్నం వేయాల్సిందే..కొంచం అటు ఇటు అయినా కుయి కుయి మంటూ గోల.. చంటి పిల్లాడి లాగా.. తన ప్రేమ... కోపం..అయిష్టం...ఏదో రకంగా వ్యక్తం చేసేది. ఎన్ని వగలో..

బాగానే అలవాటయ్యింది..దాంతో..

ఒకరోజు దాన్నే గమనిస్తున్నాను...ఉరికే మెడ గోక్కున్తోంది మాటి మాటికి.  కుక్క అన్నాక గోక్కోదా అని పట్టించుకోలేదు....ఓ రెండు రోజులుగా అది ఎక్కువ టైం  గోక్కోవటమే చేస్తోంది ..దానికో తోడు ..కొంచం కొంచం బొచ్చు రాలి పోవటం మొదలైంది. మాకేం తెలుసు రాలిపోయి మల్లి వస్తుందో..ఏంటో...అనుకుంటున్నాం...కాని రోజు రోజుకీ దాని బాధ ఎక్కువవుతోంది.. తిండి తగ్గించి...తిండికోసం అరవటం  మానేసింది.. పదిరోజుల్లో చాల బలహీనంగా తయ్యారయ్యింది.  ఎం చేయాలో తోచలేదు.

అలవాటు లేని విషయం.. కావాలని తెచ్చుకున్నది కాదు కూడాను. చూస్తున్నాం కాని ఏమి చేయటం లేదు.

ఉన్నచోటు నుండి కదలదు...ఉరికే మొహం చూస్తుంది.... దీనంగా కళ్ళలోకి కళ్ళు పెట్టి ..తోక  అడిచటం కుడా లేదు..పాపం శక్తి లేదేమో..

మూడురోజులైంది అన్నం ముట్టటం లేదు..జ్వరంగా ఉందేమో.. తెలిదు. ఇహ మా అన్నయకి చెప్పి బండి తీసి డాక్టర్ దగ్గరికి తెసుకేల్దాం అని ఇద్దరం రెడీ అయ్యాం.. ఒక పాత తువ్వాలు తో దాన్ని తీసుకొని బండి ఎక్కగానే..ఉంటేనా..చంగున దూకి పారిపోతోంది. అలా ఎంత ప్రయత్నించినా నావల్ల  కాలేదు దాన్ని పట్టుకోవటం.

సరే అని మేమే బయలు దేరాం డాక్టర్ దగ్గరికి.. వెళ్లి విషయం చెప్పాం.. ఏదో ఒక టోనిక్..కొబ్బరి నునే లో కలిపి పుయాటానికి ఆయింట్మెంట్  రాసిచ్చాడు. 

ఎంత ప్రయత్నించినా అది పాలు కుడా తాగటం లేదు. ఇహ టానిక్ కలిపిన పాలు అసలే తాగటం లేదు. అప్పటికి ఇహ విధి లేక దాని నోరు తెరిచి పోసాం ..మహా అంటే రెండు గుక్కలు..కాని తప్పించుకొని మూల కూర్చుంది..

ఆయింట్మెంట్  వంటినిండా పూస్తే..విదిలించింది..దుమ్ములో పోర్లాడింది. 

నీ ఖర్మ అని వదిలేసాం.

తిండి అసలే ముట్టక..ఐదు రోజులై..నిలబడే శక్తి లేక... లేచి నిలబడితే కూలి పడిపోతోంది..చంటి పిల్లాడి లాగా ఎంతో హుషారుగా ఉండేది..అయ్యో ఎలా ..ఎం చేయాలి అని అనుకున్నా కాని ఎం చేసే పరిస్థితి లేదు.

ఆ రోజు మధ్యానం రెండు  అయ్యిందనుకుంటా.. కుక్కపిల్ల పరిస్థితి ఏంటా  అని బయటికి వచ్చా.. నన్ను ఒక దీనాతి  దీనమైన చూపు చూసింది..అతి బలహీనంగా తోక ఆడించి.. నిలబడింది..నావైపు ఒక అడుగు వేసింది.. కూలబడింది...

అంతే...ఆ జీవి ప్రాణాలు అనంత వాయువుల్లో కలిసి పోయాయి...

అమ్మా అని గట్టిగా కేకేసా.. కదిపి చూసాం.. కాని లేవలేదు. తోక అడిస్తుందేమో అని ఆశపడాను... దాన్ని చూస్తూ  సాయంత్రం ఏడింటి వరకు గడిపా.. కాని చలనం లేదు. ఏదో జడపదార్థం లా అయిపొయింది..

ఒక సంచిలోకి దాన్ని వేసుకొని..మాఇంటి వెనకాల ఉన్నా రైల్వే ట్రాక్ అవతల ఉన్న దట్టమైన చెట్లు వైపు బయలుదేరాను. అక్కడ దట్టంగా పెరిగిన ఒక పొద చూసి పొదల్లోకి విసిరేసాను సంచీ ని.. వెనక్కి తిరిగి చూడకుండా వచ్చేసా..

ఇంటికి రాగానే బాత్రూం లో కూర్చుంటే..మా అమ్మ రెండు బిందెల నీళ్ళు గుమ్మరించింది నా మీద. ఏ ఋణానుభంధమో అంటూ.

ఏ భందమో..ఏ స్నేహమో.. ఏ భందుత్వమో.. ఎక్కడినుంచి వచ్చిందో... ఇరవై రోజులు..ఒక చిన్ని బంధం  పెనవేసింది....కాని అంతలోనే...కళ్ళముందే ...ఇలా జరిగింది. అంతే జీవితం...అంతే బంధం.

అన్నింటికంటే నన్ను బాధించింది, నామీద నాకే  సిగ్గుగా అనిపించింది  ఒకే ఒక్క విషయం..

విసిరేసాను.. నిర్దాక్షిణ్యంగా విసిరేసాను సంచినీ.. కనీసం  సంచీని పదిలంగా పొదల్లో పెట్టొచ్చు..లేదా గుంతలో  పూడ్చి పెట్టేయవచ్చు. కాని చేయలేదు..విసిరేసాను..

ఎందుకంటే .. దాని మొహాన్ని మళ్ళి చూసే దైర్యం లేదు నాకు..ప్రేమ  లేదు నాకు ..గుండెని రాయిని చేసాను..చేసుకోగల సమర్థుడిని. ఎందుకంటే.......నేను మనిషిని.

కన్నీళ్లు ధారకడుతున్నాయి..

నవ యవ్వనం...

నిన్న సాయంత్రం .. సర్వీసింగ్ కి ఇచ్చిన బైక్ తెచ్చుకుందామని నారాయణ గూడా వెళ్ళాను. సెలవులు ముగిసి కాలేజీ లు మళ్ళి మొదలయ్యాయిగా.. బస్సు స్టాప్ లో ఫుల్లు గా అమ్మాయిలూ అబ్బాయిలు.. నవయవ్వనులు..గుంపులు గుంపులుగా..

ఏది fashion నో  ఏది కాదో.. ఏది తమంకి నప్పుతుందో ...ఏది నప్పదో..        ఏ రంగులు  తమకి సూట్ అవుతాయో..ఏవి కావో...తెలుసో లేదో కాని ఒక్కోరు  ఒక్కోరకంగా..

ఒకడేమో వచ్చిరాని మీసాలని నున్నగా గోరిగేసాడు.. ఇంకోడు ఫ్రెంచ్ గా మార్చేశాడు.. మరొకడు Goate పెట్టాడు,  ఒకడు జులపాల జుట్టు తో..ఇంకోడు ఆల్మోస్ట్ గుండు తో.  కత్తి యుద్ద కాంతారావులా  కాళ్ళకి చుట్టుకుపోయిన పాంట్లు, పొట్టి చేతుల T shirts ..ముదుకు పొడుచుకొచ్చినట్లు కనబడే రంగు రంగుల కాన్వాస్ shoe ,  పాపం కొంత మంది మాత్రం మధ్యతరగతిని ప్రతిబింబిస్తూ ఇవేవి లేకుండా.. 'సింపుల్.' .గా  ఉన్నారు. కాని అందరి attitude లో   ఏదో తెలియని నిర్లక్షం కనపడుతోంది.. ఎవరు ఎలా ఉన్నా అందరి చూపులు మాత్రం అమ్మాయిల వైపే...

ఇహ అమ్మయిలేమో..పాత బడ్డ  fashion  చుడీ దార్ లలో..కొంతమంది షేపులు  కనపడే లేగ్గింగ్స్ తో కొందరు ఇందాక చెప్పిన జీన్స్ ,అప్పుడే వికసిస్తున్న అందాలు కనపడేట్టు T షర్టు... జుట్టు విప్పేసి ఓ పిల్ల..గుర్రం తోకలా ఉన్న జుట్టుతో ఇంకో అమ్మాయి.,, బాబ్డ్ హెయిర్ కట్ తో మరో అమ్మాయి.. .నడుం దాకా రావాల్సిన జడ మెడ దగ్గరే ఆగిపోయిందో పిల్లకి...;)

వీళ్ళకీ మనసంతా అబ్బాయిల వైపే ఉన్నా...అదేమీ లేనట్లు నటిస్తున్నారు..కాని అప్పుడప్పుడు దొంగ చూపులు చూస్తున్నారు..స్నేహితురాళ్ళతో   గుసగుసలలో నవ్వుతున్నారు. కొందరు మౌనంగా దిక్కులు చూస్తున్నారు..ఇంకొందరేమో.. 'అబ్బ ఛీ'  అన్నట్టు  మొహం పెట్టారు. 

మొత్తం మీద  బోయ్స్ n గాళ్స్ మనస్సులో ఒకే భావం...ఒకే తపన.ఒకే ఆరాటం..ఏకే ఉబలాటం..ఏదో శక్తి..ఏదో ఆసక్తి,,,ఏదో ఆశ,,ఏదో నమ్మకం.. ఏదో...ఏదో..ఏదో..  అదే  యవ్వనం తాలూకు  చిన్హం.