చల్లగాలి తగిలితే ఎందుకు మనసుకు హాయిగా ఉంటుంది ??
వానపడితే ఎందుకు తడవాలనిపిస్తుంది ??
కోయిల పాట ఎందుకు వినాలనిపిస్తది ??
పువ్వుల పరిమళం ఎందుకు చూడాలనిపిస్తూంది ??
 అహార పదార్థాలని చూస్తే నోరెందుకు ఊరుతుంది ??అవి 'ఎందుకో' నీకు తెలిస్తే.. నిన్ను 'ఎందుకు' ప్రేమించాలనిపిస్తూందొ నెను చెపుతా !!

ఓ మై డాలింగ్..

ఓ మై డాలింగ్..
నిన్ను ముద్దు పెట్టుకున్న ప్రతి సారి..
ఉపిరిగా మారి ...గుండెల్లో నిండి.
నర నరాన పాకుతూ .. మత్తెకిస్తావ్..
గంట గంట కీ నివు లేనిదే నాకేం తోచదు..
పని అయిన ..కాకున్నా..
బాధొచ్చినా.. సంతోషం చిందినా..
రోజు వారీ జీవితంలో గెలిచినా ఓడినా..
పొద్దు పొడిచినా...పొద్దు వాలినా..
ఎండనకా..వాననకా..
చలి లో.. గిలిలో...నీవే నాకు తోడు.
ఎప్పుడు ఎలా ఎందుకు పరిచయం అయ్యావో తెలిదు.
తెల్లని దుస్తుల్లో దేవతలా వచ్చావు..
నన్ను నా జీవితాన్ని పాలిస్తున్నావు..
బతుకంతా తోడుంటావు ..చితి దాకా నడిపిస్తావు.
నీవు నా చేతుల్లో వెలుగుతావు.. నా జీవితం నీ చేతల్లో ఆరుతుంది.అయినా I love u darling. :)

చెంప దెబ్బ

ఐదో తరగతో...అరో తరగతో గుర్తులేదు..

పాటం ఐపోగానే ప్రశ్న జవాబులు రాయిస్తారు. మరునాడు క్లాసు లో అవి ఆడుతారు. చెప్పని వాళ్ళని చెప్పిన వాళ్ళు చెంప దెబ్బలు వేయాలి. నేను ఎప్పుడు వేయటమే కాని చెంపదెబ్బ తిన్నది లేదు.

ఓ నాడు విచిత్రంగా ఒక ప్రశ్నకి జవాబు చెప్పలేక పోయా.. ఓ పిల్ల పేరు గుర్తులేదు.. ఆ జవాబు చెప్పి నన్ను కొట్టింది. చెంపకి నెప్పి లేదు..కాని ఎక్కడో తెలియని బాధ. ఏడుపు భిగ పట్టాను. అంతకంటే విచిత్రంగా క్లాసు ఐపోయే టైంకి ఆ అమ్మాయి ఓ ప్రశ్నకి జవాబు చెప్పక పోవటం నేను చెప్పటం జరిగాయి

. కొట్టాను చూడు.... అయిదు వెళ్ళు చెంపమీద అచ్చు పడ్డాయి ఏర్రగా.. ఆ సౌండ్ కి క్లాసు క్లాస్సంతా కాం ఐపోయింది . టీచర్ విస్తు పోయింది. ఆ రోజంతా ఏడ్చింది ఆ పిల్ల, పాపం.

ఎందుకు అలా కొట్టానో ఏంటో.. నాకే తెలీదు.

హాయ్

How are U.??

fine ..U ?

బావున్నాను..

ఏమిటి సంగతులు..

చెప్పాలి.

మీరు బాగా రాస్తారు..

అవునా..ఏదో అలా..

ఆలోచించేట్టు ఉంటాయి..

ఏమో..తెలిదు..నాకు ఆ క్షణం లో అనిపించింది  రాస్తుంటా.

ఒకే... అవును  మీ మొబైల్ ఏంటి ??

నోకియా..

అదే నోకియాలో... ఏ మోడల్..

అదా  1100 అనుకుంటా..

ఒకే.. హే నేను తరవాత ఫోన్ చేస్తా..

ఏం..?

కొంచం పనుంది.. మళ్ళీ చేస్తా...బాయ్

ఆది కా....

ఫోన్ కట్ అయ్యింది...  మళ్ళీ ఫోన్ రాదనీ మీకు తెలుసనుకుంటాను.

ఎప్పుడు కష్టాలు వచ్చినా..

 

"మగాడి గుండెల్లో అంతులేని బాధ ఉన్నా.. కృష్ణుడి వేషంలో NTR నవ్వినట్టు  దరహాసం ఇవ్వాలి. అదే ఆడాళ్ళు అయితే వలవలా ఏడ్చేస్తారు. ఎందుకంటే...

అది కలియుగపు ఆరంభపు రోజు.. కలియుగంలో దేవుడు ప్రత్యక్షం అవ్వటం అనే మాట ఉండదు. మానవ జంట ని సృష్టించి నిషిద్ద ఫలం గురించి చెప్పి వెళ్ళిపోయాడు. ఈవ్ నస భరించలేక ఆడం ఆపిల్ తెంచాడు. ఇద్దరూ ఆపిల్ పండు కోరికాక, కొంచం అదోలా అనిపించింది, తెలీని ఓ  గొప్ప బాధ మొదలయ్యింది. ఆది చూసి దేవుడు చిట్ట చివరి సారి ప్రత్యక్షమయ్యి చెప్పుకోండి మీ బాధలు...అని అడగ్గానే, తీర్చే వాడు వచ్చాడన్నచిన్నిసంతోషంలో మగాడు 'చిరునవ్వు' నవ్వాడు. భారీ సీరియల్ మొదలెట్టేముందు ఏడ్చినట్టు ఆమె 'కన్నీళ్ళు' పెట్టింది.
ఇంతలో ఓ అశరీరవాణి కలియుగం ఆరంభం అయ్యింది కదా, ఇహ మీరు మనుషులకి కనిపించటం.. కష్టాలు వినటం.. తీర్చటం చేయకూడదు, మరిచిపోయారా అని చెవిలో ఉదగానే నాలిక్కరుచుకొని దేవుడు మాయం అయ్యాడు. వీళ్ళకి మాత్రం ఆ expressions మిగిలాయి . అప్పటినుండి ఎప్పుడు కష్టాలు వచ్చినా అవే continue అవుతున్నాయి. అదీ అసలు సంగతి. ;)

తేనే కన్నా తీయనిదీ తెలుగు బాష ...

చాలామంది తెలుగో అని ఏడిచేవాళ్ళు, ఇక్కడ తెలుగు లిపి ఉపయోగించి తెలుగు రాయరు. తెలుగుని ఇంగ్లీష్ అక్షరమాలతో టైపు చెసి చదవరాకుండా పెద్ద గందర గోళం శ్రుష్టిస్తారు. ఆది బద్దకమో, నిర్లక్షమో తెలిదు.
జీన్స్, t షర్టు వేసుకొని .. చెవుల్లో headphone ఇరికిన్చుకొని... పంచదార బొమ్మ బొమ్మ పట్టుకొవోద్దనకమ్మా ..fm వింటూ.. తనకోసమే వెయిట్ చేస్తున్న తెల్లని కారు లో ఝాం అని వెళ్లి, ఇంగ్లిషు లో లోడ లోడ వాగేసి నేల తిరిగేసరికల్లా తక్కువలో తక్కువ ఓ ప...దివేలు తెస్తుంటే..
తను నేర్చుకొన్న చంపక మాలలు , ఉత్పల మాలలు పైసా సంపాదనకి పనికి రాక పాపం తెలుగు మీడియం విద్యార్ధి, తల్లి దండ్రులు గొల్లు మని ఏడుస్తుంటే.. తెలుగు భాష కోసం మొత్తుకుంటున్న మేధావుల ఇస్తారా పదివేలు ??
పొట్ట కూటికోసం ఇంగ్లీష్ నేరుచుకుంటే..బాష మరిచిపోతున్నారని గోల పెడితే ఏం లాభం ? పొట్ట నిండేది ఎలాగా ??
పోనీ తెలుగు ఒక్కటే నేర్చుకుంటే సరిపోతుందా? అంటే అదీ లేదు..రాష్ట్రం దాటితే పనికి రాకపోయే.
నీరు పల్లమెరుగును.. అన్నట్టు.. ఏది అన్నింటికీ అనుకూలంగా ఉంటుందో దానికే వైపే మొగ్గు చూపుతారు కాని... ప్రవాహానికి ఎదురీదమంటే ఎలా ??
ప్రతుతానికి తెలుగు భాషకి వొచ్చిన నష్టం ఏంటో అర్థం కావటం లేదు.??
తిండి లేక మాడే వాడికి ఏ బాష తిండి పెడితే ఆ బాషే మాట్లాడుతాడు.
"అమ్మ అన్నం పెట్టదు అడుక్కు తిననీయదు " అన్నట్టుంది.. బాషభిమానుల మాటలు.
రేపటి నుండి అందరూ పంచెలు కట్టుకొని తిరగండి..... ప్యాంటు షర్టు ఎందుకో మరి ? ఆ కంఫోర్ట్ వదులుకోం..
అవ్వ బువ్వ రెండు కావాలంటే కుదరదు.
ఇతర దేశాల డబ్బు కావలి.. జాబ్స్ కావలి..కాని ..బాష మారొద్దు , సంకృతి మారొద్దు అంటే ఎలా కుదురుతుంది ?
ఈ software...BPO ఉద్యోగాలు ఉండబట్టి జనాలు బ్రతుకుతున్నారు గాని మన ప్రభుత్వాన్ని నమ్ముకుంటే..ఇన్ని ఉద్యోగావకాశాలు కలిపించేదా ? మనకున్న వనరులతో ?? (of course ఆయా కంపనిలకి permission ఇచ్చి ప్రభుత్వమే అయినప్పటికీ )
దేశ బాషను..సంకృతి ని కాపాడే బాధ్యత దేశానిదే.. ఆదేశ పాలకులదే.
ఓ పక్క...ఇంతకంటే పెద్ద పెద్ద అనర్థాలు జరిగిపోతుంటే ...అడిగే దిక్కు లేదు.
అయినా,,,  ఏం? ప్రపంచానికంతా ఒకే బాష .ఒకే సంకృతి ఉంటే తప్పేంటి ??

మాట్రిమొనీ కథలు ( కష్టాలు )

 సర్..  నేను ____________ matrimony  నించి మాట్లాడుతున్నాను.
చెప్పండి.

సర్ మీ ప్రొఫైల్ కి requests  వస్తున్నాయి కదా..

ఏమో..ఉండొచ్చు.. అయితే.
సర్ ..మీరు మెంబర్షిప్ తీసుకొంటే వాళ్ళతో కాంటాక్ట్ చేసే అవకాశం ఉంటుంది కదా.
ఆ ముక్క వాళ్లకి చెప్పు. ఇంట్రెస్ట్ ఉన్నవాళ్ళు కాల్ చేయలేరా..
ఆది కాదు సర్.. మెంబర్షిప్ తెసుకుంటే  మీకు నచ్చిన నలబై మందికి  తో కాంటాక్ట్ చేయవచ్చు. వాటిల్లో ఏదో ఒకటి కుదిరే ఛాన్స్ ఉంది కదా.
నాకు నచ్చితే.... వాళ్లకి నచ్చాలి కదా..
అదే వాళ్లకి నచ్చితే పెళ్లి కుదిరే అవకాశం ఉంది కదా..
వాళ్ళకి నచ్చితే మెంబర్స్ అయ్యి,  నా నెంబర్ యే వాళ్ళు తీసుకుంటారు కదా
సార్ ఆది కాదు...
ఏంటి కాదు. తొక్క.. నీ ......
మీ సైట్ లో ఒక్క ప్రొఫైల్ అయిన సరిగా ఉందా.. ఫోటో ఉంటే ఇన్ఫర్మేషన్ ఉండదు.. ఇన్ఫర్మేషన్ ఉంటే ఫోటో పెట్టరు.  సరే ఫోటో ..ఇన్ఫర్మేషన్ ఉంటే ఫోన్ నెంబర్ ఉండదు. ఫోన్ నెంబర్ ఉంటే ఆది పని చేయదు. వాళ్ళు ఇచ్చిన నెంబర్ వాళ్ళ దేనా కాదా అని మీరు inquiry   చేయరు. అసలా ప్రొఫైల్ పెట్టేవాడు పెళ్ళికి పెడుతున్నడా..సరదాకి పెడుతున్నాడో కూడా మీకు తెలియదు.  ఎవడూ పడితే వాడొచ్చి ప్రొఫైల్ పెట్టేస్తారు.

పోనీ  పెట్టినవాళ్లకి  ఆశ ఎక్కువ.
ప్రతి పోరీ కి చల్లగా జాబ్ చేసే సాఫ్ట్వేర్ ఇంజనీర్స్ యే కావాలి. నెలకి ముప్పై నలభై  వేలు సంపాదించి దాని చేతిలో పోయాలి......
సర్ సర్... అదేం లేదు సర్..అన్ని రకాల వాళ్ళూ ...
హే ఆపు...నీ అమ్మ.. మీరే profiles create  చేసి... రిక్వెస్ట్ పంపించి...చూసారా మీకు రిక్వెస్ట్లు వస్తున్నాయి అని మెంబెర్షిప్ అంటగడతారు.
సర్ లేదు సర్ .. నిజంగా
అవునా... నీదేనా  ఈ సైట్..
కాదు సర్.. నేను employ ని...
కదా...మీ బాస్ ఎవరు ?
అదీ...actually....
తెలుసుకో.. తెలుసుకొని ..వాడిని నా దగ్గరకు పంపు.  నేను నేర్పిస్తా ..  మాట్రిమొనీ   సైట్ ఎలా ఉండాలో ఎలా సర్వీసు ఇవ్వాలో....అలాగే  జీతం వస్తుంది కదా అని కంపెనీ ఏంటో తెలియకుండా జాయిన్ కాకు...కొంచం జనాలకి ఉపయోగపడే కంపనీలో పనిచెయ్యి..

 సర్ ..:(

నేనూ ఒక scam చేసానండోయ్ ..

నేను ఇంటర్ చదివేటప్పుడు నాకు యమా సినిమాల పిచ్చి. ఇదీ అదీ అని కాకుండా అన్ని సినిమాలు.. కానీ జేబులో డబ్బు ఉండేది కాదు. ఎప్పుడు జేబులు గల గల లాడినా తిండి లేకున్నా  కాలేజీ ఎగ్గొట్టి సినిమాలో దూరేవాడిని.

మా ఫ్రెండ్ ఒకతనికి స్కాలర్ షిప్ వచ్చింది కాని అతడు అప్పటికే కాలేజి వదిలి పోయాడు. ఇంకో ఇద్దరు మిత్రులు నాకు  విషయం  చెప్పి,  అతని  పేరు మీద నా identity కార్డ్ తయారు చేసారు.నా పేస్ features కొంచం అతనిలాగే ఉంటాయి మరి. నేను చేయవలసిన పనల్లా ప్రిన్సిపాల్ ని కలిసి చెక్ తీసుకోవాలి. 

స్కాలర్ షిప్ వచ్చిన వాళ్ళందరూ ప్రిన్సిపాల్ ని కలవాలి. అతను రెండో మూడో ప్రశ్నలు వేస్తాడు. సమాధానం చెప్పాలి. చెక్ మీద sign చేసి మన చేతికి ఇస్తాడు. పక్కనే  register లో మనం చెక్ తీసుకున్నట్టు సంతకం చేయాలి. ఆ తరవాత మీకు తెలుసుగా..డబ్బు మనదే.

ఆది గవర్నమెంట్ కాలేజీ కనక  వందల సంఖ్యలో విద్యార్థులు ఉంటారు. ఎవరు ఎవరో ప్రిన్సిపాల్  గుర్తుపట్టే ఛాన్స్ యే లేదు అని అని నన్నుlure చేసారు.
డబ్బు ..అ డబ్బు తో చూసే సినిమాల లిస్టు కళ్ళముందు కనపడే సరికి నేను scam లో పాలు పంచుకున్నా.

   భయం భయంగా ఆ రోజు ఆఫీసు ముందు నిల్చున్న.. ప్రకాష్ అని పిలిచారు , నేను చుట్టూ చూస్తున్న.. నాపక్కన ఫ్రెండ్ నన్ను డొక్కలో పొడిచాడు అప్పుడు గుర్తొచ్చింది నేనే ప్రకాష్ అని. గుండె ని అదిమి పట్టి లోపలికేల్లాను. 

నీ పేరు.. 

చా.ప్రకాష్ సర్..

గ్రూప్.. మ్మ్ మ్మ్  MPC..

మీ నాన్న ఏం చేస్తాడు..

వ్యవసాయం.  

అతను మాములుగా చూసినా నన్ను అనుమానం తో చూస్తున్నాడేమో అని అనిపించింది. భయం వేసింది . ఈ లోపు చెక్ మీద సంతకం పెట్టి నా చేతికి అందించాడు బాగా చదువుకో అంటూ.. నేను registerలో సంతకం చేస్తుంటే ఇంకో విద్యార్ధి వచ్చాడు.  హమ్మయ్య ఇహ నన్నెవరు గమనించరు అనుకొని .. చెక్ తెసుకొని ఆఫీసు రూం బయటికి రాగానే పరుగో పరుగు.. మళ్లీ ఏ అనుమానం వచ్చి వెనక్కి పిలుస్తారో  అని. హహ్హ 

మొత్తానికి 325 రూపాయలు వచ్చింది నా వంతుకి. :) :)

మహేష్ బాబు" ad " ఇస్తాడా ??

పదరా.... చెరుకురసం తాగుదాం..

చెరుకు రసమా ??  నాకొద్దు.. Pepsi..or sprite ! 

ఎందుకు..?? 

చూడరా, ఆ చెరుకు ఆల్మోస్ట్ ఎండి పోయింది.. అదేం తాగుతాం.??

 తాగేవాళ్లు లేకపోతే ఫ్రెష్ చెరుకు  తెచ్చి ఏం చేస్తుకుంటాడు? వాడు మాత్రం, ..అదీ వాడిపోతుంది.అయినా నీ Pepsi మాత్రం ఫ్రెష్ ఆ ..ఏ మురుగు నీళ్ళో  ఏంటో..

ఛీ ఛీ..అలా అంటావేంట్రా..

ఏదో పిల్లలు ads చూసి attract అయితే అయ్యారు..కాని నీకేమైంది ?? 

అంటే...? 

 "బాబూ...చెరుకు రసం తాగండి  అని 'మహేష్ బాబు'  "ad" ఇస్తాడా ??

కొబ్బరి బొండాం తాగండి అని 'రామ్ చరణ్' అంటాడా ??

'కుర్కురే ని కరకర లాడించండి' అని  advertisement ఇస్తారు కాని.. కానీ 'మక్కజొన్న కంకి మంచి బలం'..తినండి అని ad ఉంటుందా ?? 

అనడు..ఉండదు..

సో ఏం తెలుసుకున్నావ్ ?? 

ప్రకృతి సిద్దమైన ఆహారమే తీసుకోండి.... వీలైనంతవరకు..
have natural food ,,where ever possible . 

వెరీ గుడ్ .. :)

ఓ టపా కొడుతున్నా..

నేను మళ్లీ బస్సు ఎక్కాను,
ఎక్కితే..??
ఎక్కితే.. ఏముంది ఓ టపా కొడుతున్నా మీ మొహాన.. 
ఏంటి మీరు సిటీ బస్ ఎక్కినప్పుడల్లా ఓ టపా రాస్తారా.. ఈ రకంగా,మీరు రోజు బస్సు ఎక్కితే రోజు టపా టపా కొట్టేట్టు ఉన్నారే.. ??
ఏమో టపా టపా టపా కొట్టొచ్చు.. లేదా చేతులు నొప్పి పెట్టి  కొట్టక పోవచ్చు.

ఈసారి ఫుల్ రష్ గా ఉంది బస్సు..
నేను బస్సు కొంచం ఖాళీగా ఉన్నపుడే ఎక్కా కాబట్టి.. సీట్ దొరికింది.
అటు ఇటు చూస్తూ ...అందరి మొహాలు గమనించటం మొదలు పెట్టాను.
అందరూ దీర్ఘాలోచనల్లో పడిపోయారు. ఏం ఆలోచిస్తున్నారో..
జీవితాన్ని గురించా..జీతం గురించా...బాస్ గురించా..భవిష్యత్తు గురించా... బాధల గురించా భయాల గురించా.. తెలియదు.. కాని తీవ్రమైన ఆలోచనలు మాత్రం చేస్తున్నారని వల్ల మొహం బట్టి చెప్పెయవచ్చు. లేదు  వాళ్ళూ నాలాగే ఎదుటి వల్ల గురించే అలోచిస్తున్నరేమో. ఎందుకంటే  ఎక్కి దిగుతున్న ప్రయానికులనీ గమనిస్తున్నారు.  ఒక్క మొహంలో సంతోషం ఏ కోశానా కనబడటం లేదు. ఎందుకొచ్చిన జీవితం రా అన్నట్టే ఉంది. నేట్టలేక నేడుతున్నట్టే ఉంది. ఓ వైపు ఎండా తీవ్రత ..ఉక్కపోత..ఇంకోవైపు జీవితం.
 కండక్టర్  అప్పుడప్పుడు టికెట్ టికెట్ అనటం  బయట వాహనాల రోద తప్ప మా బస్ లో మాత్రం  ' నిశబ్ధం ' .
ఆ  నిశబ్దాన్ని తట్టుకోలేకో ఏమో  ఒక నడి వయసు.. నడి వయసు అంటే  నలబై పైన అని అర్థం.. ఆ నడివయసు ముసల్మాన్ తన ఫోన్ తీసి mp3 ప్లేయర్ ఆన్ చేసాడు..
" మై దునియా బులాదుంగా.. ....తేరీ చాహత్ మే.. ఓ దుశుమన్ జమాన..  ముఝుకో  నా బులాన..మై  ఖుదుకో  మిటా దుంగా.. ..మై దునియా బులాదుంగీ..." అయన జీవితం ఆశీఖీ  పాట దగ్గరే ఆగిపోయినట్టుంది..
అప్పట్లో తన ప్రేయసి తో చూసిన మొదటి సినిమానో..లేక చివరి సినిమానో..
కళ్ళు మూసుకొని  శ్రద్దగా వింటూ..ఏవో ఏవో జ్ఞాపకాల్లోకి జారిపోయాడు.. 

 ఇంతలో ఇద్దరు యువకులు ఎక్కారు ఒక స్టాప్ లో.. Engineering స్టూడెంట్స్ లా ఉన్నారు..
వెలిగిపోతున్నాయి మొహాలు.. నవ్వుతో.. ఏదో చెప్పుకుంటూ పడి పడి నవ్వినట్టు ఉన్నారు
బస్సు ఎక్కగానే అదే కంటిన్యూ చేసారు.
ఆర్ నవీన్ గాడు ...ఏం చేసిండో తెల్సా... హ హ హ హ..
హ హ హ... సగం కుడా చెప్పకుండా నవ్వుతున్నారు..
వాళ్ళకే అర్థం అవుతోంది .. పట్టలేని నవ్వు ...ఆది.
ఇహ బస్సులో అందరి దృష్టీ వాళ్ళ మీదకి  మళ్ళింది..
అందరూ తమ తమ ఆలోచనల్లోంచి బయటికి వచ్చి వీళ్ళని చూస్తున్నారు..

వాళ్ళ  నవ్వు చూసి..తెలీకుండానే అందరి మొహాల్లో చిరునవ్వు విరిసింది.. నా మొహం లో కూడా...

ఇందులో  ఏముందని ?? ఇందులోఎం  పెద్ద  విషయముందని టపా రాసారు ?

జీవితంలో లాగే బస్సు లోను ఏముంటుంది ?  ఏమి ఉండదు.  జీవితం అంటే సినిమాల్లో చూపించినట్టు ఓ ఆనంద కరమైన సన్నివేశం దగ్గర 'శుభం' వేయలేం కదా.. తరవాత సన్నివేశాల  కొనసాగింపు ఉంటుంది మరి.

 ohh అయితే ఈ టపాకి శుభం వేయలేదన్న మాట?? ఇంకా ఏదో మిగిలుందన్న మాట..

అదీ చెప్పేడవండి ,..ఒకేసారి ..

'లేదు'లే మరోసారి చెపుతా..ఇప్పటికే మీరు విసిగి పోయి ఉన్నారు.

అదెప్పుడో ?? 

మళ్ళీ బస్ ఎక్కినప్పుడు .. :) :) 

హే పో...

తెలుగు సినిమా పాట..

ప్రపంచం కుగ్రామం అవుతున్న  సందర్భంగా తెలుగు సినిమాల్లో .... సంకృతి, బాష, సాహిత్యం.. అన్ని మారుతున్నాయి అనటానికి ఈ తెలుగు సినిమా పాట ఒక చిన్ని ఉదాహరణ..
ఇదివరకు...

" ముక్కుపుడక పెట్టుకో మహలక్ష్మిలా
సిగనుపూలు పెట్టుకో శ్రీలక్ష్మిలా
కౌగిలింత...హుష్...
కౌగిలింత చేరుకో కల్యాణిలా
రేతిరంత మేలుకో రేరాణిలా
ఎన్నడు రానిది మల్లెల రాతిరి హాయిగా.. ముక్కుపుడక ఎందుకు మనసుండగా..
సిగనపూవు లెందుకూ సొగసుండగా..
కౌగిలింత లివ్వనా కట్నాలుగా
పరువమంత పరువనా తొలిపానుపుగా
ఎన్నడురానిది మల్లెల రాతిరి హాయిగా.."

కానీ ఇప్పుడు..


జెన్నిఫర్ లోపెజ్ స్కెచ్చు  గీసినట్టుగా ఉందిరో ఈ సుందరీ..
బ్రిట్నీ స్పెఅర్స్ కి ప్రింట్ తీసినట్టుగా ఉన్దిరో..ఈ కాడ్బరీ..
నడుమే  చుస్తే  షకిరా  దాన్ని  అంటున్కున్న  చెయ్యే  లక్కీ  రా ..
నడకే   చుస్తే  బియాన్సే...  , బేబీ  నవ్విందంటే  ఖల్లాసే  ..
jeans  ప్యాంటు  వేసుకున్న  జేమ్స్  బాండ్  లాగా గున్ను  లాంటి  కన్ను  కొట్టి  చంపమాకురా ..
బ్లాకు  బెల్ట్ పెట్టుకున్న  జాకీచాన్  లాగ  నాన్చాక్  తిప్పమాకురో ... .:) :( :... ?


మార్పుని ఆహ్వానించక తప్పదు. 

ఓ ప్రేమలేఖ..

నిన్ను తొలుతగా ఎప్పుడు చూసానో గుర్తు లేదు. కాని చూసిన మొదటి నిముషం లోనే నీతో స్నేహం కుర్దిరింది.. ఆ దోస్తీ ముదిరి   ప్రేమగా మారింది..
ఎన్ని సార్లు ఎక్కడెక్కడ కలుసుకున్నామని..
వారం లో ఒక్కసారైనా నిన్ను చూడక ఉండలేక పోయేవాడిని...
గంటలు లెక్కపెట్టుకుంటూ గడిపేవాడిని..నీ దర్శనం కోసం..
నిన్ను కలుసుకొని అలా  వొళ్ళో తల పెట్టుకోని..నీవు చెప్పే కథలు వింటూ గడపటం నాకెంత ఇష్టమని...నీకు తెలుసుకదా..
అప్పట్లో మనం కలుసుకున్నది తక్కువే అయినా.. నీవు చెప్పిన కథలన్నీ ఇంకా కళ్ళలోనే ఉన్నాయి..ఎంత బాగా చెపుతావని.. 
రామాయణ భారతాలు నేనెప్పుడు చదవలేదు...నేవు చెపితేనే తెలిసింది..
అలా ఒకటా రెండా వందలు, వేల కథలు కళ్ళకి కట్టావు.. 
బావున్నా బాలేకపోయినా 'ఉ' కొట్టటం ఒకటే నాలు తెలిసింది, అప్పట్లో..
నీ మాటలతో  కవ్వించి..నవ్వించి.. ఏడిపించే దానివి.. 
నీ పాటలతో నన్ను ఆలించి..లాలించి జో కొట్టేదానివి.. 
అవి వింటూ..నేను ఏదో ఉహాలోకం లో తెలిపోయేవాడిని


నివు కళ్ళ ముందు ఆడనిదే  నాకు నిద్ర పట్టదు
పగలంతా నీకోసం కలవరమే.. కలలోను నీకై పలవరమే
కొన్ని క్షణాలు నేను నువ్వయానా అని అనిపించేది..
ఎల్లకాలం  నీతో ఉండాలని ఆశ పుట్టేది .

గుర్తుందా... మనం శ్రావణమాసం ఎక్కువగా కలుసుకునే వాళ్ళం.

అమ్మ పూజల్లో పెట్టిన రూపాయి బిళ్ళలు దొంగిలించి జుబులో వేసుకొని నీ దగ్గరికి వచ్చేవాడిని.

అలా నిన్ను కలిసి వచ్చాక ఎన్ని సార్లు తన్నులు తిన్నానని..  

అదే విషయం నేకు చెపితే ..నేవు కిల కిలా నవ్వి  నన్ను నీ వొళ్లోకి తీసుకునే దానివి ఓదార్పుగా..

నీ మాయలో పడి చదువు అత్తెసరయ్యింది,.. తెలివి తెల్లారింది.. జీవితం విందర వందర అయ్యింది.

అందుకే నీవంటే కసి..కాని ఆ కసి లోంచే ఏదో ప్రేమ..

కాని నాకేప్పుడైనా దొరికావా...

దేశదిమ్మరిలా నీకోసం పరుగులు పెట్టాను..

నిన్నెట్లా  చేరుకోవాలా అని మధన పడ్డాను..

నీ ఆత్మీయతకై అర్రులు చాచాను..

నీ నీడన బ్రతకాలని ఆశ పడ్డాను..

కనీసం..ఇప్పటికైనా కరుణిస్తే అంత కన్నా కావలసిందేమి లేదు నాకు...... ఈ జన్మకి..

వస్తావు కదూ..

యువకవీ మేలుకో

  యువకవీ మేలుకో .. నవకవీ విజ్రుమ్భించు

ఆలోచనలకి పదును పెట్టి..
అనుభవాలని పంచి పెట్టి..
సమాజానికి అద్దం పట్టి..
అంతరంగాల్లోకి తొంగి చూసి..
అత్మీయతని పలకరించి.
అనుభూతులతో మేళవించి
అక్షరాలతో  ఆడుకో....మాటలతో తూటాలు చెయ్యి
కవితలతో కదం తొక్కు...పాటలతో ఏమరుపాటు కల్గించు.
వచనం తో భోజనం వడ్డించు..నవలతో నవలోకం చూపించు..
కథలతో కళ్ళు తెరిపించు ..
సినిమాతో ఆనందం అందివ్వు ..
   యువకవీ మేలుకో .. నవకవీ విజ్రుమ్భించు.. 

కొత్త కుండ

సూర్యుడు నిప్పులు చెరుగుతున్నాడు. ఎంత fridge నీళ్ళు తాగినా గొంతు మాత్రం తడవటం  లేదు. దాహార్తి తీరటం లేదు. అందుకే ఓ కుండ కొందామని వెళ్ళాను. 

ఎంతమ్మా కుండ  ?  

150 ..స్టాండ్ కలిపి ౩౦౦

అర్రే ఎంటమ్మ అంత చెపుతున్నావ్ ఒకేసారి,  మట్టి కుండ 150 ఆ...ఆ చిన్న స్టాండు 150 ఆ   ఆశ్చర్యం ప్రకటించేసా

అవును బాబు ధరలు పెరిగాయి కదా..

సర్లే,,

వెళ్లి పోయాను..పక్క షాప్ కి.

అక్కడ కొంచం ఎక్కువగానే చెప్పాడు.

ఇహ కుండా వద్దు ఏమి వద్దు..౩౦౦ పెట్టి ఎవడు కొంటాడు మహా అంటే ఇంకో నెల..రెండు నెలలు. ఏదోలా గడిచి పోతుంది లే అని వెనుదిరిగాను.

మళ్లీ మొదటి ఆవిడ నాదగ్గరికి వచ్చింది.

కొత్త కుండ కొనాలయ్య.. మంచిది. అంత ఆలోచిస్తావ్ ? 

ఆ ఏం మంచి ..? ప్రతిసారి కొంటునే ఉన్నంగా.. ఏం జరిగిందని. అలా జరిగుంటే కుండనే దేవుడిని చేసేవాళ్ళం గా..??

వీడు సెంటిమెంటుకు పడేవాడు కానట్టుంది అనుకోని.. నా మొహం బాగా చూసి  ఓ బ్రహ్మాస్త్రం  సందించింది.

 ఏంటయ్యా... ఇన్ని ఖర్చు చేస్తారు..కుండ దగ్గరికి వచ్చేసరికే మీకు ఎమోస్తది ?

సరిగ్గా తగిలింది..

నాకెందుకో కరెక్టే  అనిపించింది.  ఓ రాత్రి నిద్రపట్టకపోయినా..mood అస్సలే బాలేకపోయినా..మహా బాగా ఉన్నా  ఈజీ గా 250 హుష్ కాకి అయిపోతాయి.

of course ఈ మధ్య నిద్ర పట్టకపోయినా, మూడ్ ఎలా ఉన్నా ..  హుష్ కాకి అనిపించలేక పోతున్నా.  అదో నిస్సహాయత,   :(  అది వేరే విషయం. 

సరే ఆమె అన్నదానిలో  ఒకింత నిజాయితీ ఉందని అనిపించింది.

 సరే అమ్మా..220 ఇస్తా ఇచ్చేయి..

250 ఇవ్వు బాబు...

నా వాళ్ళ కాదు...

220 ఏ.

సరే 230 ఇవ్వు ..

సరేలే... పోనీ ...అని 230 చేతిలో పెట్టి కుండ తెచ్చుకున్నా..

అన్నట్టు ఒక రోజు అంతా నీళ్ళు  పోసి పెట్టి..ఆ తరవాత నుంచి వాడాలట  కదా.. 

చంపేస్తూ ..బ్రతికిస్తూ

మొదలంటూ పీకేసినా  ఎక్కడో చిన్నిచిగురు వేస్తూ..అణగదొక్కినా మళ్లీ ఎక్కడినుండో చిరునవ్వు చిందిస్తూ..
చంపి పాతర వేసినా దయ్యం లాగా పీడిస్తూ
నిలువుగా అడ్డంగా నరికేసినా మళ్లీ ఉపిరి పోసుకుంటూ..
తప్పించుకు తిరుగుతున్న ప్రతి సారి అడ్దోస్తూ..
పరిగెడుతూ పారిపోతున్న నన్ను నన్ను నీడలా వెంబడిస్తూ..
 మెలకువలో కలకలం రేపుతూ
నిదురలో కలగా మెలకువ తెప్పిస్తూ..
ప్రశాంతంగా పని చేసుకుందామంటే భగ్నం చేస్తూ..
చావకుండా  బ్రతికిస్తూ.. బ్రతుకులోనే చంపేస్తూ.. చంపేస్తూ ..బ్రతికిస్తూ
ఏమిటో ఈ 'ఆకర్షణ' ? ఎందుకో నాకీ ఘర్షణ

మలచుకోవోయ్

 

చెమట చుక్క చివరన నక్షత్రపు మెరుపుంటుందని..

విషాదపు లోతుల్లో ఆనందపు ఊటొస్తుందని.. 

నిశీది నీడలలోనే  వెలుగు రేఖ పోడుచుకోస్తుందని.. 
పని చేస్తూ పోతుంటే ఆనందపు  గని దొరుకుతుందని 

తెలుసుకోవోయ్  చక్రధారీ...మలచుకోవోయ్  జీవితాన్ని.

 

తెలుసుకోవోయ్

 

 

 రేపని, మాపని అంటుంటే...పనులన్నీ చేటవుతాయని 
చూస్తూనువు కూర్చుంటే ..అవకాశం చేజార్తుందని...

గతంలోన గడుపుతుంటే    భవిష్యత్తే  ఉండదని...

తెలిశాకే చేద్దామంటే...చేయటానికేముండదని..

తెలుసుకోవోయ్  చక్రధారీ...మలచుకోవోయ్  జీవితాన్ని.

ఓ స్వర్గం.

నీ చూపు.. ఓ కైపు..
నీ మాట ... ఓ తియ్యని పాట..
నీ స్నేహం ...ఓ అదృష్టం 
నీ స్పర్శ ...ఓ పరవశం
నీ సహచర్యం ... ఓ వరం
నీ సహవాసం ...ఓ స్వర్గం. 

చిలక జోస్యం

 అతి కష్టం మీద రాజు గాడు  శృతి ని necklace రోడ్డు కు తీసుకొచ్చాడు..
రానంటే రాను.... ఏదో చాటింగు ..ఫోన్ లో మాట్లాడుకోడం  ఓకే కాని ఇవన్నీ ఇవన్నీ నాకస్సలు ఇష్టం ఉండదు .. చెప్పింది.
కాని వీడు వింటేగా.. అలకలు..కులుకులు.. ఓ రెండు రోజులు మాటలు లేకపోవటాలు....రాకపోతే నీకు నాకు కట్టు అన్నట్టు,  online లో మూతి  భిగించే సరికి  ..సరే .. ఒక్క సారికి ఒకే అని అంది.  
ఆహా..ఏమి భాగ్యం అని రాజు గాడు షర్టుకు డబ్బుల్లేక  deodorant మాత్రం కొత్తది కొనుక్కొని ఒళ్ళంతా దట్టంగా పట్టించి బయలుదేరాడు. ముందుగ 'తాళ్ళ పాక తిమ్మక్క' విగ్రహం దగ్గర కలుసుకొన్నారు. ఎన్నడూ బైక్ ఎక్కనట్టు పల్లకీ లోకి పెళ్ళికూతురు లా  బైక్ ఎక్కింది. రాజు గాడి బ్రేక్ లైనేర్స్  సగం అరిగాయి కాని  లాభం లేకపోయింది. పూర్తిగా అరగోట్టుకోవటం జేబుకు మరో బొక్క అని ఊరుకున్నాడు.
పార్కింగ్ టికెట్టు కొంటూ...మళ్లీ ఇంకోసారి తన 500/- తడిమి చూసుకున్నాడు. ఇది చెల్లకపోతే  అన్న negative  thought ని అక్కడికక్కడే నిలువున చీరేసి ..అడ్డంగా  నరికేసి .మొత్తానికి .చంపేసి.. కొంచం సేపు వాల్క్ చేద్దామా అన్నాడు. " కాఫీ ని మనసులోకి అప్పుడే రానివ్వకుండా..
 చుట్టూ చేతుల్లో చేతులేసుకున్న జంటలు  ..పార్కులో ఆడుకునే పిల్లలు .. చాయ్,, సిగరెట్లు , ఐస్ క్రీం లు....బెలూన్ లు.  అమ్ముకునే వాళ్ళు....ఇలా రక రకాల జనం తో బాగానే కళ కళ లాడుతోంది.. 

నడుస్తూ...కొంచం దూరమే వొచ్చారు. ఇప్పుడు తక్కువ జంటలు..ఎక్కువ దగ్గరగా ఉన్నారు. బుద్దుడి విగ్రహం వీపు  బాగా కనపడుతోంది అనే వొంకతో ఆగాడు..ఇద్దరి మధ్య  దూరం తగ్గింది.. ...కాలుష్యం వాసన వేస్తున్నా  గాలి చల్లగానే ఉంది.. ఎదురెదురుగా నిలబడి కళ్ళల్లోకి కళ్ళు పెట్టి చూస్తూ... మాట్లాడుతున్నాడు.
సర్  ' చిలక ...చిలక  జోస్యం.. జరిగింది  జరిగినట్టు చెపుతుంది".. అన్నాడు ఒక కుర్రాడు..
చిన్న బోనులో.. తినలేక వొదిలేసిన   జామ కాయ  బిక్క మొహం తో ఓ చిలక..రాజుగాడిని చూసింది.
వద్దు వెళ్ళు.. అన్నాడు రాజు..
ఓ అయిదు నిముషాలు గడిచాయి.
రేలింగ్ మీద పెట్టిన చెయ్యికి ఒడుపుగా చెయ్యి తాకించాడు. శృతి కూడ.. గమనించనట్టే నటించింది.. రాజుకి  హుశారేక్కువైంది.. చేతిని చేయ్యిలోకి తెసుకున్నాడు.
"చెయ్యి వదులు" .. మాట మాత్రం అంది కాని వొదిలించుకునే ప్రయత్నం ఏమి చేయలేదు. శృతి.
 ఓ చేత్తో బుజాన్ని చుట్టి దగరగా తీసుకుందాం అనుకొని చెయ్యి వెనక  నుండి వేస్తున్నాడో లేదో..
సార్  " జరుగుతున్నది జరిగినట్టే చెపుతుంది .చేప్పించుకోండి సర్...."
కోపం దిగమింగి   వొద్దు బాబు . అవసరం లేదు..అన్నాడు..
మళ్లీ  ఇద్దరి    మధ్య దూరం పెరిగింది. కొంచం సేపూ మామూలు మాటలు..ఇందాకటి పోసిషన్ రావటానికి ఇద్దరికీ ఎక్కువ సేపు పట్టలేదు. మళ్లీ  మునపటి  మూడ్ వొచ్చింది . శృతి  మనసు కూడ గతి తప్పుతోంది. బుజం మీద చేయి వేసి దగ్గరగా లాక్కున్నాడు. నాకేం తెలిదు అన్నట్టు ఏదో  హు కొడుతోంది   శృతి ..   దగ్గరిగా జరిగి  మొహాన్ని మొహం దగ్గరగా తెసుకొని వొచ్చి ముద్దు పెట్టుకుందాం అనేంతలో..

" జరిగింది ..జరిగేది ,,జరగా బోయేది.. చెపుతా...సర్ చెప్పించుకోండి సర్  అని  ఇంకో  కుర్రాడు మళ్లీ  చెయ్యి గోకాడు..
ఒక్క సారి కోపం కపాళానికి అంటింది రాజు గాడికి, 
" రేయ్ చెప్పించుకోడం  కాదురా..చెప్పుచ్చుకుంటా" అని వాడి వెనక పడ్డాడు. విషయాన్ని ఫాస్ట్ గా  గ్రహించిన అ కుర్రాడు  పరుగందుకున్నాడు .
అ పరుగులో... ఆ కుర్రాడు  పట్టు తప్పి పడటం.. బోను కింద పడి తెరచు కోవటం..చిలక తుర్రు మనటం జరిగి పోయాయి.  
ఇదంతా చూసి శృతి .. చిలకలా  కిలకిలా నవ్వింది.

చివుక్కుమంది ప్రాణం..

 బలుక్కున తెల్ల వారింది..టపక్కున మెలకువ వొచ్చింది ...దబుక్కున లేచా.. గబుక్కున తయ్యారయ్యి... చటుక్కున బండెక్కి వెళ్తోంటే.. తలుక్కున ఓ అమ్మాయి..గిరుక్కున తిరిగా .. ఆ పిల్ల చురుక్కున చూసింది.. ఆ చూపు కసక్కున దిగింది ...దడక్కుమంది గుండె.. చెలుక్కున కన్ను గీటితే .. కిలుక్కుమని నవ్వింది.. ఇంతలో సరుక్కున గేదె .. గబుక్కున బ్రేక్ వేసినా ..దళుక్కున కింద పడ్డా.. పుటుక్కుమన్నాయి ఎముకలు... అమ్మాయి మినుక్కుమని మాయం.. చివుక్కుమంది నా ప్రాణం.