ఎందుకు 'రావ్' ఏడుస్తావ్

ఎందుకు 'రావ్' ఏడుస్తావ్??ఏం జరిగిపోయిందని బాధ పడతావ్??

కాలం కదలిపోయిందనా?? కలలు కరిగి పోయాయనా??

నిజం నిప్పులా కాల్చేసిందనా ? జీవితం కుప్ప కూలిందనా ??

అనుకున్నది జరగకనా? జరిగింది ఒప్పుకోలేకనా??

ఆనందం అంద లేదనా ? సంతోషం సొంతం కాలేదనా??

ఆశలే అత్యాశలయితే.. పక్క వాడితో పోల్చుకుంటే..

చెమట చుక్కని కార్చకుంటే... నిమ్మళంగా తిని కూర్చుంటే..

ఉన్నదాన్ని కాదనుకుంటే.. చేతనయింది చేయకుంటే...

ఉహల్లో విహరిస్తుంటే..వాస్తవంలో బ్రతకకుంటే...అంతేనోయ్..అంతే