దైవదర్శన మయ్యేనాకు ..!!

ఎండపట్టుకు ఎడ తెగక తిరిగి..

కళ్ళు సోలి   సోమ్మసిల్లగ 

చెట్టునీడన సేదదీరగ..

చెట్టు నాకు గొడుగు పట్టే,

చల్ల గాలి జోలపాడే 

గాలి చాటుగా జోల పాడిన 

దైవదర్శన మయ్యేనాకు..! 

మాయదారి రోగమొకటి..

తెలియకుండా సోకినాది 

ఓపలేని బాధతోనూ..
రోజు రోజు కుంగి పోవగా.

వైద్యుడిచ్చిన చిన్న మాత్ర..

నొప్పినంతను తెసివేయగా..

మాత్ర. మాటున దాగి ఉన్న

దైవదర్శన మయ్యేనాకు..!

 పొట్ట కూటికి దారి పట్టి 

ఆకలికి ప్రాణాలవిసి పోవగా

 తుట్ట తుదకు  సాటి వాడు

పట్టెడన్నం పెట్టినాడు 

సాటివాని దాత గుణమున 

దైవదర్శన మయ్యేనాకు ..!!

నన్ను ఎప్పుడైనా చూసావా ?'

హాయ్,
నన్ను ఎప్పుడైనా చూసావా ?'
నిన్నా ...ఉమ్మ్..  హా గుర్తోచ్చావ్.. చూసాను..
ఎక్కడ ?
గుళ్ళో..
గుళ్ళో నా.. ?
అవును గుల్లోనే..  ఎక్కువగా నిటారు గా నిలబడి ఉంటావ్. బంగారం వెండి తొడుగులు తొడుక్కొని..
అది నేను కాదు..
కాదా ?? మరి ఎవరు ?
అది నీవు సృష్టించుకున్న వాడు.
నీవు కాదా .. నేను సృష్టించుకున్న వాడా ???
అవును నీవు సృష్టించుకున్న నీ దేవుడు.
మరి నువ్వో..
నేను అసలు  దేవుడిని.
అసలు దేవుడివా ..మరి నీవెక్కడ ఉంటావ్ ?  ?
నేను ఎక్కడ లేనూ? అంతటా ఉన్న కదా...
గాలి సవ్వడిలో..చెట్ల మాటల్లో.. ఎత్తైన కొండ గాభీర్యంలో..రాయి మృదుత్వంలో...పూల గరుకు తనం లో.. రంగుల్లో.. పొంగులలో.. చెట్టులో పుట్టలో.. పాటలో..మాటలో..నడతలో ..నవ్వులో...జీవం లో,నిర్జీవంలో..  నీలో ...

హా.....అంతటా  నీవేనా,  నాలోకూడానా .?

అవును  నీలో కుడా  :)
ఎప్పుడు కనపడలేదే ?

శోధిస్తే  కదా కనపడటానికి, ఎంత సేపూ  ఎదురుగా   ఓ విగ్రహం పెట్టుకొని పసుపు, కుంకుమ,దీపాలు, ఏదో మంత్రాలు.. శ్లోకాలు తప్ప.

ఎప్పుడైనా నన్ను  నీలో వెతికావా?? చూసావా?? అనుభూతి చెందవా??

నన్ను ఒదులుతావా ??

 నన్ను ఒదులుతావా ??
ఉహు..??
ప్లీజ్ ?
ఉహు..వదల..వదల బమ్మాలీ  వదల
ఎంతకాలం ఇలా  ??
నేను చచ్చేంత వరకు..నీవు  ఇలాగే..
ఎందుకు వదలవు ?
ఎందుకంటే నిన్ని వొదిలితే నేను చచ్చినట్టే.
అదెలా??
అదంతే.... నేను మాత్రం నిన్ను చచ్చినా వదలను.
నీవు కూడ ఎక్కడికీ కదలటానికి వీలులేదు.
ఏంటి అజ్ఞాపిస్తున్నావ్?? నేనెవరో తెలుసా ?? నేను నిన్ను సృష్టించిన దేవుడిని..
నేనెవరో తెలుసా ?? నేను మనిషిని.  నివు నన్ను సృష్టించటం కాదు నేనే నిన్ను పుట్టించాను.
సృష్టించిన పాపానికి నాకే ఎసరు పెట్టావా ?
ఎసరా ?? ... గుండెల్లో పెట్టుకుని .. రోజు ధూప దీప  నైవేద్యాలు పెడుతుంటే..
గుండెల్లో కాదు..గుళ్ళో బందీని చేసావ్..
అయితే ఏం కావలి ?
నాకు స్వేఛ్చ కావాలి..
ఎందుకు ?
కొత్త సృష్టి చేసుకోవాలి.
అయితే అస్సలు వదలను.

నిజంగా దేవుడున్నాడా

నిజంగా దేవుడున్నాడా అని ఒక్క సారయినా  మీకు అనుమానం రాలేదా ??

మొన్న వైష్ణవిని  మాడ్చి మసి బొగ్గు చేసినపుడు ?

మన రాజకీయ నాయకులని   చూసినపుడు ?  వాళ్ళ కుంభకోణాలు గురించి విన్నపుడు ?

బాబాలు  దేవుడి ముసుగులో చేస్తున్న అరాచకాలు విన్నపుడు ?

నిత్యం జరిగే మర్డర్లు మాన భంగాలు, దోపిడీలు దొంగతనాలు..అల్లర్లు ఆత్మ హత్యలు

దేశం లో  ఎక్కడ పడితే అక్కడ  దరిద్రం చేసే  "రుద్ర తాండవం" చూస్తున్నపుడు ?

కన్న తండ్రే కిరాతకంగా , కూతురుని  అనుభవిస్తున్నపుడు ?

తల్లి,  పిల్లని అమ్ముకున్నపుడు ?

జనాలని టెర్రరిస్టులు పిట్టల్ని కాల్చినట్టు కాల్చినపుడు ?

బాంబులు బగ్గు మన్నపుడు ?

అమాయకులు ముక్కలైనపుడు ?

ఎప్పుడూ రాలేదా  ??

దేవుడున్నాడా అని ఒక్క సారయినా  మీకు అనుమానం రాలేదా ?

దైవం

మనకి అర్థం కానిదంతా దైవ మాయే. 

భూగోళాన్ని అపకేంద్ర , అభికేంద్ర బలాలు ఒక నిద్రిష్ట కక్షలో తిరిగేలా చేయటం, పదార్థంలో పరమాణువుల అమరిక...తద్వారా  పదార్థ ధర్మ మార్పు, జంతుజాల జీవన క్రియలు  నుంచి మొదలు కొంటె ప్రతిదీ ఒక పద్దతి ప్రకారం జరుగుతూ ఉంటుంది. ప్రతి కార్యానికి ఒక కారణం ఉంటుంది. 
మానవ మేధస్సు సృష్టి లో ఉన్న కొన్ని రహస్యాలని చేదించి స్వలాభానికి వాడుకుంటూ ఉంది.. కాని  సృష్టి కారణం, కారకులు, జీవం , జీవితం ..వీటిని ఇంకా నిర్వచించ లేక పోయింది . ఇక్కడే "దేవుడు" అన్న పదం ప్రతిపాదించ బడుతుంది..మనకి అర్థం కానిదంతా దైవ మాయే.

దేవుడు ఒక సాంఘీక  అవసరం

దేవుడు ఒక సాంఘీక అవసరం. ప్రజలు దేవుడి పేరుతో కొంత రిలాక్స్ అవ్తున్నారు. తమ తమ కోరికలని తీరుస్తాడని, ఆపదలనుంచి గట్టేకిస్తాడని, సమస్యలని పరిస్కరిస్తాడని నమ్ముతున్నారు. ఆ నమ్మకం లో బ్రతకక పోతే వ్యక్తీ గతంగా, సాంఘీకంగాఅశాంతి ప్రబలి పోతుంది. సమాజం లో విలువలు నశిస్తాయి. అవి పోయిన నాడు లోకం నరకం. ఇప్పటికే చాల శాతం మంది బ్రతుకు పోరాటం లో, ఆశల వాహినిలో, సుఖ భోగ లాలసలో పడి విలువలు మరిచి దోపిడీలు , దొంగ తనాలు, మోసం, హత్యలు , అత్యాచారాలు చేస్తున్నారు. ఇక దేవుడు అనేది గుడ్డి నమ్మకమే అని తెలిసిందో... ప్రపంచం వల్లకాడైపొదూ  ..

ఒక దానికి surrender కావాలి 

మనిషి దేనికో ఒక దానికి surrender కావాలి . అదొక ఆనందం. దానినే ప్రపత్తి అంటారు. మన అహంని మరిచిపోయి ఎవరికో ఒకరికి, దేనికో ఒన దానికి అర్పణ కావాలి..
దేనికి కావలి.?? ఎవరికీ కావాలి??
నీకా? కాని నీలో నాకు లోపాలు కనపడుతున్నాయే..నాకంటే గొప్పగా కనిపించటం లేదే నీవు ??
మరి ఎలా...
సరిగ్గా అప్పుడే "దేవుడు" ఒక అవసరం అవుతుంది ఎవరికైనా. ఎవరితో మనం మనని మరిచిపోయి, ముసుగు తొలగించి, మంచి చెడు చెప్పుకొని. ఏడ్చి, నవ్వి, ఒదార్చుకొని..స్వాంతన పొందుతామో అదే దేవుడు.
ఆ దేవునికి మనని మనం అర్పణ చేసుకొని, ఆ ప్రపత్తి లోఉన్న ఆనందాన్ని అనుభవిస్తున్నాం.
అందుకే దేవుడిని idealize చేసి, సకల గుణగణుడుగా, మహా శక్తి సంపన్నుడుగా, దయామయుడిగా, ఆపద్భంధవుడిగా, కొంగు బంగారంగా కీర్తిచి...స్తుతించి, శ్లాఘించి  స్వాంతన ఆనందాన్ని పొందుతున్నాం.
సంగీత మాదుర్యము, భక్తి ప్రపత్తి, సాహిత్య పు గారడీ కలగలిసి మన మనసులో పుట్టించే ఆనంద తరంగాలు మనని ఒలలాడిస్తాయి .

దేవుడంటే ....????

 ఏ శక్తి జీవ చైతన్యానికి ఆధారమో,ఏ శక్తి పూలకి రంగుగా మారుతుందో.. ఏ శక్తి పక్షి రెక్కలో దూరి దాన్ని గాల్లో తెలుస్తుందో.. ఏ శక్తి భూమిని గాల్లో పట్టి ఉంచిందో.. ఏ శక్తి మనని పలికిస్తుందో,నడిపిస్తుందో, పరుగులేట్టిస్తుందో, మన ఆలోచనలకి ఆధారమో, . .. ఏ శక్తి మాటై, పాటై మాధుర్యమై మనని అలరిస్తుందో, ఏ శక్తి వేలుగునీడలో సృష్టిస్తుందో, ఏ చైతన్యం విత్తు లో ఉన్న జీవాన్ని మేలుకొలిపి భూమిని చీలుచుకొని మొలకగా మారుస్తుందో.. ఆ శక్తి చైతన్యమే దేవుడు.

దేవుడు మీ కోరికలు తీర్చడు.

నిజం..

దేవుడు మీకోరికలు తీర్చడు. అరిచి గీ పెట్టు.. లక్ష కొబ్బరికాయలు కొట్టు.. గుండు గీయించుకొని తిరుగు జన్మంతా.. దేశం లోని గుళ్ళు గోపురాలు చుట్టబెట్టు ... ఎమన్నా చెయ్యి ...మీ   కోరిక తీర్చడు..

మీకు మీరు .. హృదయంతరాళం లోనుంచి .. ఫీల్ అయ్యి.. sincere గా శ్రమిస్తే మీ  కోరిక నెరవేరుతుంది..

మనకి కావలసినవి కోరుకోటానికి.. ..అనుకున్నది తీరక పోతే గుండె మండి తిట్టు కోటానికి దేవుడు కావలి. 

 

స్వాములోరి పూజమహిమ..

ఆ మధ్య ఎప్పుడో మా అమ్మ పోరు పడలేక .. ఒక జాతకాల స్వామిజి దగ్గరికి వెళ్ళా. ఆమెకీ ఎవరో చెప్పారంటా  గొప్ప స్వామిజీ . అతను చెప్పినట్టు చేస్తే అన్ని సవ్యంగా జరుగుతాయి అని..
సరే ఇద్దరం వెళ్ళాము.. అడ్రస్ వెతుకుంటూ..


లోపల జనం బాగానే ఉన్నారు.. అయన ఒక కుర్చీ మీద కూర్చున్నాడు.. జనం అంతా కింద కూర్చున్నారు  . ఏదో జపం చేస్తున్నట్టున్నాడు,  ఎప్పుడూ కళ్ళు తెరుస్తాడా అని జనం ఆయన్ని అదేపనిగా చూస్తున్నారు,  ..నేను మా అమ్మ వెళ్లి కాళ్ళు కడుక్కొని వరుసలో చోటు చేసుకొని కూర్చున్నాం. (కాళ్ళు  కడుక్కొమ్మని శిష్యుడు చెప్పాడు..అదో కండిషన్ అక్కడ మరి.)
అలా ఒక 15 నిముషాల తరవాత అయన కళ్ళు తెరిచాడు.
అందరినీ  తేరి పార చూసి.. లోపలి కెళ్ళాడు.. కొన్ని సెకనుల  తరవాత ఘంటా నాదం వినిపించింది..హారతి  పళ్ళెం,తీర్థం తో బయటకు వచ్చాడు..
అందరూ భక్తి తో మోకరిల్లి, హారతి కళ్ళ  కద్దుకొని  తీర్థం తీసుకున్నారు,
ఒకాయన అయన దగ్గరికెళ్ళి తన గోడు విన్నవించుకున్నాడు..
భార్య తనతో కాపురం చేయటం లేదంట.. జేబులో డబ్బులు మాయం చేస్తుందంట, నిన్నే ౪ వేలు నోక్కేసిందట,  ఎం చేయాలో తెలీటం  లేదంట.. ఎలా దారికి తెచ్చుకోవాలి  అని సందేహం వెల్ల గక్కాడు.
స్వామి వారు ఒక చీటిలో ఏదో రాసిచ్చాడు..ఏం రాసాడబ్బా అని నాcuriosity  ఆపుకోలేక చచ్చా అనుకో...
చీటీ ని చూసి  అతను దాన్ని కళ్ళకద్దుకొని  సాష్టాంగ ప్రణామం చేసి వెళ్ళిపోయాడు.


     మా వంతు వొచ్చింది. అంతకుముందే శిష్యుడి ద్వారా  డేట్ అఫ్ బర్త్,  స్టార్, అండ్ టైం అఫ్ బర్త్ రాసిచ్చిన చీటీ అయన చేతికి వొచ్చింది.
కొంత సేపు  వెళ్ళు లేక్కపెట్టుకొని లెక్కలు వేసాడు.  "అంతా బానే ఉంది .. లక్మి దేవి కటాక్షం  లేడు, అందుకనే అనుకున్న పనులు జరగటం లేడు.పెళ్లి కూడా అందుకే వాయిదా పడుతోంది.. అని. స్వామి వారు మహా జ్ఞాని, నేను బ్రహ్మ చారి వెధవనని గుర్తుపట్టేసారు. మా అమ్మ సంతోషం ముఖం లో ప్రస్పుటంగా కనపడింది.
 చీటీ మీద  ఏదో రాసి  మా అమ్మ చేతిలో పెట్టాడు. నేను నా curiosity  ని చంపే  ప్రయత్నం లో చీటీ లాక్కుని చూసాను..
1200 /- అని ఉంది. శిషుడు తనవైపు రమ్మని సైగ చేస్తే స్వామికి నమస్కారం చేసి, అతని దగ్గరికి వెళ్ళాము. రెండో ఇంట్లో రాహువు శని కొట్టుకుంటున్నారు. ఏదోఇంట్లో శుక్రున్ని  కేతువు మింగేశాడు. కనకనే పెళ్లి కుదరటం లేడు అన్నాడు. నేనేమో పెళ్లి సంగతి సరే , కనీసం gf అయినా దొరకటం లేదు . దానికి కూడా  వీళ్ళేనా  కారణం అని అడగాలని నోటి దాకా వొచింది. అమ్మని చూసి ఆగిపోయా..నాకేమి అర్థం కాలేదు ఆ బాక్స్. నన్ను వెన్ను పోటు పొడవటానికి ఇంత మంది ఉన్నారా? నా వెనక మహా కుట్ర జరుగుతోందే అని అనిపించింది. పెట్టక పెట్టక అసలైన వాటికే ఎసరు పెట్టారు అనుకున్నా.  జపం చేసి హోమం చేయాలి.మూడు రోజులు పడుతుంది  అని వివరించాడు.
అలాగే అంటూ  అక్కడినుండి వోచ్చేసాం .
ఇక మొదలుపెట్టింది మా అమ్మ..  ఎప్పడు వెళ్దాం అని..
వేల్దామే ప్రస్తుతానికి 1200 /-  లేవు అని చెప్పా.. నీకెందుకు నేను నాన్న ని అడిగి తెస్తాగా  అంది.
వొద్దు లేవే  డబ్బులు దొరకగానే నేనే చెప్తా కొంచం ఓపిక పట్టు అని చెప్పా.
సరిగ్గా ఒక వారం  తరవాత..డబ్బులు అడ్జస్ట్   కాకున్నా ఏదో ఒకలా మేనేజ్ చేసి.. (అమ్మ పోరు పడలేక )
సరే వెళ్దాం పద అని మళ్లీ ఆయనదగ్గరికి వెళ్ళాం.
ఇందాక చెప్పినట్టు హారతి, తీర్థం  అయిపోయాక అయన ఇచ్చిన  చీటీ చూపించి డబ్బులు ఇవ్వబోయాం .. దానికి ఆయన  పూజ ఐపోయాక అన్నట్టు చెప్పాడు.
రోజు ఉదయం 6   కల్లా  వొచ్చి తీర్థం తెసుకొని వెళ్ళండి అని చెప్పాడు..
మొదటి రోజు నా పేరు మీద సంకల్పం  చేసాడు.. రెండో రోజు జస్ట్  తీర్థం  తెసుకొని  వోచ్చేసాం .మూడో రోజు మాత్రం.. హోమగుండం లో పూజ, నాలాగే ఒక 8 మంది దాకా, .. నెయ్యి , నువ్వులు అగ్నికి ఆహుతి చేసాం .    తర్వాత  తీర్థం ప్రసాదం... డబ్బు సమర్పిచుకున్నాం.
నాకు మహా చెడ్డ చిరాకుగా  ఉంది..డబ్బు  పోయినందుకేమో..??? 
కాని  next day  ఎం జరిగిందంటే..

11 గం  కి ఏదో పనిమీద బయటికి వెళ్లి వొచ్చా. చేసే పని లేక, అలా కల్లుముసుకొని పడుకున్నా.. నిద్ర పట్టేసింది ఘాడంగా.. అ మత్తులోనే ఓ సారి లేచి బయటికి చూసా ..అంతా  సవ్యంగానే  ఉంది ..నిశబ్ధంగా ..
మళ్లీ ఒచ్చి ఇంకో కునుకేసా.. ౩ pm దాకా ..తరవాత ఇంక ఆకలికి ఆగలేక నిద్రపట్టక లేచా. బయట నా బైక్ లేదు. 
 అర్థం కాలేదు.. అసలు ఈ రోజు డేట్ ఎంత?  నేను ఎక్కడున్నా? బయటికి వెళ్ళానా  లేదా ?  బైక్ ఎక్కడ పార్క్ చేశా ? ..ఇలా ఒక్క సారి ఆరోజు చేసిన పనులని రీల్ వేసుకుంటే అప్పుడర్థమైంది.. బైక్ ఎవడో కొట్టేసాడని.
వెంటనే తేరుకొని.. కంట్రోల్ రూం కి ఫోన్  చేస్తే, నల్లకుంట PS   కి వెళ్లి కంప్లైంట్ ఇవ్వమని అన్నారు. ఆలస్యం చేయకుండా ఆటోలో వెళ్ళా  , అక్కడ గేటు ముందున్న  పోలీసు దగ్గరినుండి నుండి.. ఎదురైన ప్రతివాళ్ళు
"ఏమైంది.. ఎక్కడ.. ఎక్కడ పెట్టావు, లాక్ చేయలేదా.. ఎంత సేపైంది.. మీకు careless ఎక్కువ " అని లక్ష ప్రశ్నలు వేసి  చివరికి తేల్చింది ఏంటంటే ..నా అడ్రస్  వేరే PS   పరిథి లోకి వొస్తుంది అని.. అక్కడి నుండి వేరే స్టేషన్ కి పరుగు లంకించుకొని మళ్లీ ఎదురైన  ప్రతివాళ్ళకి వివరాలు ఇచ్చి అందరి తో తిట్లు తిని చివరికి  కంప్లైంట్ తీసుకునే  అతనికి  చెప్తే..  నెంబర్, నేమ్  రాసుకొని..  "ఆ దొరికితే ఇస్తాం, అప్పుడప్పుడు వొచ్చి  కలుస్తూ ఉండు" కూల్ గా చెప్పాడు
ఈ  ఏప్రిల్  22  వొస్తే రెండు వసంతాలు నిండుతాయి .

ఇదీ   స్వాములోరి   పూజమహిమ..

దేవుడు

మొన్న ఆ మధ్య "దేవుడు " గురించి ఒక కమ్యూనిటీ లో discussions జరిగింది..అందులో ముఖ్యమైన పాయింట్స్ బ్లాగ్ లో పెడదాం అనిపించింది..

M: దేవుడు ఈ కష్టాలు ఎందుకు తీర్చటం లేదు?అమ్మ ఎంత ఆకలి వేస్తున్నా ఎందుకు అన్నానికి పిలవట్లేదు అంటే ఈ రోజు పండగ అన్నమాట. అమ్మ మనకోసం చాల చాల తీపి వంటకాలు చేస్తున్నది.

M :ఒక అతన్ని మరొక వ్యక్తి అడిగాడట , బాబు! నీవు ఇంతగా దేవుణ్ణి నమ్ముతున్నావు, నీ కొడుకు చనిపొయ్యాడు కదా ఇక నైన దేవుణ్ణి నమ్మకుండా వుంటావా అని, "అయ్యా పోయిన కొడుకు పోనే పొయ్యాడు ఉన్న ఒక ఆధారము కూడా పోగొట్టుకోమంటారా? " అన్నాడట.- చలం ఉత్తరాలు

చక్రి :అమ్మ తీపి వంటకాలు చేస్తుంది సరే,, కానీ ఈ లోపు కుర్రాడు ఆకలితో చచ్చి ఊరుకుంటే ?? 

"యధా యధా హి ధర్మస్య గ్లానిర్భవతి భారతః అబ్యుధానం ఆధర్మస్య : తదాత్మానం సృజామ్యహం" 

భగవత్ గీత శ్లోకం .. మన భగవంతుడు ఎప్పుడు అవతరిస్తాడు అంటే అంతా అయిపోయిన తరవాత ..చివరలో..

ఇక రెండు నిముషాల్లో చస్తాం అనగా అప్పుడోస్తాడు.. ఈ లోపు మంచి వాడు కష్టాలను అనుభవించి అనుభవించి చావుకి రెడీ ఐన తరవాత.. ఇక చెడ్డ వాడు అన్ని అనుభవించి సంతృప్తి చెందే సమయంలో భగవంతుదోస్తాడు.. ఆ సమయంలో వచ్చినా రాకున్న పెద్దగా ఒరిగేదేం లేదు..
లోకం లో జరుగుతున్నది ...జరిగేది ఇదే...
ఎమన్నా అంటే పాపం పండాలి అంటారు.. ఎందుకు పండాలి..మొగ్గలోనే ఎందుకు తున్చకూడదు?? 
K : chakri gaaru...
dhevudu oka optimistic solace...


చక్రి:  కే.. గారు.. మీరన్నది నిజమే ఐనప్పటికీ.. ఈ దేవుడు, మతం ,, కులం ,పూజలు పసుపు కుంకుమలు విగ్రహాలు . బ్రమ్హోత్సవాలు రథొత్సవాలు .. కార్తీక స్నానాలు..కుంభ మేళాలు.. మడి.. మైల.. అంట్లు.. ఆచారం.
పొద్ద్దున లేస్తే మైకుల్లో అరుపులు.. ఒకవైపు గుళ్ళో పాటలు.. ఇంకో వైపు మసీదు నమాజులు .. మరో వైపు దివ్య మహా సభలు ..
ఒకడు సత్య సాయిబాబా అంటదు.. ఇంకోడు కాదు కాదు షిర్డీ సాయిబాబా అంటాడు..
శనికి తైలాభిషేకాలు .. పాముకి పుట్టలో పాలు ...
అది కాక politicians ఊరేగింపులు ,, వినాయక నిమజ్జనాలు,పెళ్లి బారాత్ లు ఎన్నని చెప్పాలి...
మీకు ఈ experiences ఉన్నాయో లేదో తెలిదు .. నేను మాత్రం అన్నిటితో విసిగి పోయాను..
ఈ దేవుడు అనేది వ్యక్తిగతంగా ఎంతవరకు ఉపయోగపడుతుందో తెలిదు 
( మీరన్నట్టు ) కాని సమాజ పరంగా కొంచ నష్టమే ఎక్కువ.. ఇది నా అభిప్రాయం .

M: సమాజానికి కూడా ఉపయోగమే. నాస్తికులైన మన పక్క రాష్ట్రము వాళ్ళని చూడండి, ఏమి చెయ్యాలో తెలియక బతికున్నవరినే దేవుడిగా పూజిస్తారు. హీరోయిన్ లకు గుళ్ళు కడుతున్నారు. హీరోలకు పాల అభిషేకాలు చేస్తున్నారు. ఈ హీరోలు హీరోయిన్లు మాకు అలా చేయ్యమని అడగనట్లే దేముడు కూడా అడగలేదు. ఇది అలా చేసిన వాళ్ళ మనో వికారం. /ఆనందం .కాబట్టి నేను చెప్పొచ్చేది ఏమిటంటే, TV చూడటం చాల మందికి కాలక్షేపం అయినట్లే ఇది కూడా . మీకు ఇష్టమైతే ఉత్సవంలో డాన్స్ చెయ్యండి లేకుంటే లేదు :) 

 

చక్రి: భలే చెప్పారండి.. ఎవరింట్లో వాళ్ళు కూర్చొని tv చూస్తే ఎవరికీ ఏ బాధ లేదు ..

కాని రోడ్డు కేక్కితేనే నాలాంటి వాడికి బాధ........ఎవడింట్లో వాడు దేవుడినే పుజిస్తాడో దెయ్యాన్నే అవహిస్తాడో వాడిష్టం..
ఇక తిరపతి .. శ్రీశైలం..మక్కా ....(క్రైస్తవులకి ఏముందో ) ఇలాటి పుణ్య క్షేత్రాలు ఉందనే ఉన్నయి, కేవలం వీటి కోసమే ..దైవ భక్తి ఎక్కువైనవాడు అక్కడికి వెళ్లి హాయిగా పారవశ్యం చెందవచ్చు కాని ఈ మైకుల్లో అరుపులే .. నోటితో అరిస్తే కాసేపుకి అలసి పోతారు కాని మైకుల్లో పాటలు ఎవడికి కావాలి..??
గల్లి గల్లి లో .. వినాయకులు.నాయకులూ. మైకుల్లో అరుపులు... మాట్లాడితే రోడ్డెక్కి తైతక్కలాడటం...

మతం.. దేవుడు.. పాపం.. పుణ్యం..

Free Music

మతం.. దేవుడు.. పాపం.. పుణ్యం..
దేవుడికి రూపం లేదు.. అసలు దేవుడే లేదు.  ఉన్నది ఒకటే అది "దైవ తత్వం" ... అది దైవత్వం.. . మానవత్వం పరిపక్వం అయినపుడు దైవత్వానికి చేరువవుతూ ఉంటాడు మనిషి.
మానవత్వపు విలువలు ఏంటో మనకందరికీ తెలిసిందే. అవి సంపూర్ణంగా వికసించిన నాడు మనిషి దైవత్వం వైపు పయనిస్తాడు  ...


ఈ నాడు హిందూ మతాన్ని, దాని మూలాల గురించి  మళ్లీ ఒక్కసారి చెప్పుకోవాల్సిన అవసరం ఉంది .
ఎంతో మంది  హిందూ గురువులు కుడా రాముడు  కృష్ణుడు అంటూ  వాళ్ళ విగ్రహాలని పూజించడం..అభిషేకించడం చేస్తున్నారు.  పూజలు, వ్రతాలు, యజ్ఞాలు  .. ఇవన్నీ శుభం జరగాలని  కోరుతునో లేక  లోక కళ్యాణం కోసం   చేసే తంతుగా  ఒక get together లాగ ..ఒక పండగ లాగ కలిసి  ఆనందిచడానికి బానే ఉంటుంది.  .  కాని ఇదే మోక్షానికి మార్గం అంటే ఒప్పుకోటం కష్టం .


హిందూ మతం abstract. స్తూలంగా.. యితడు దేవుడు.. అని చెప్పడం అనేది లేనే లేదు. హిందూ మతం ఒక  తత్వం.. ఒక  జీవన శైలి.  సామాన్యుడికి అర్థం కావటానికి abstract విషయాలకి  ఒక  రూపాన్ని ఇచ్చి..వాటికి కథలు  అల్లి చెప్పేసరికి.. సామాన్యుడు అసలు విషయాన్ని మరిచి.. కథనే నిజముకోటం వల్ల  జరిగిన అనర్థం ఇది.
విద్య ని సరస్వతి అన్నారు..   సరస్వతి అనగానే..   కలువ పువ్వులో వీణ పట్టుకొని కూర్చునే అందమైన అమ్మాయి కాదు..  అది ఒక abstract  ఆలోచనకి  తెలిసి  తెలియక ఇచ్చిన  రూపం. దానికి విగ్రహాలు తాయారు చేసి అభిషేకిన్చగానే  విద్య రాదు. ఒక గౌరవభావం తో విద్య నేర్చుకోవాలని తాపత్రయ  పడితే విద్య వస్తుంది.సరస్వతి విగ్రహాన్ని అత్యంత భక్తిశ్రద్దలతో పూజించేవారు.. నేర్చుకునే  దగ్గర కోచ్చెసరికి అది చూపించరు. " విద్య "  దైవం అని చెప్పటం దీని అంతరార్థం.

లక్ష్మి అంటే సంపద కి చిన్హం . అది , ఐశ్వర్య  ధన, దాన్య, ధైర్య,సంతాన, రాజ్య,విజయ.... అష్ట లక్ష్మి లు సంపదలే. అంతే కాని తామర పువ్వులో కూర్చొని బంగారు నాణేలు రాల్చే అమ్మాయి కానే కాదు. కేవలం సంపద..ఏ  రూపంలో ఉన్నా సరే.ఆ సంపదని మనం గౌరవించాలి.
ఇలా చెప్పుకుంటూ పోతే సృష్టి,  స్థితి,  లయ కారకులు..అష్ట దిక్పాలకులు.. అందరు abstract నే. ఇలా మన దైనందిన జీవితంలో ఎదురయ్యే ప్రతిదాన్ని దైవంగా  పరిగణించటం హిందూ సంప్రదాయం. 

దేవుడు ఎవరయా అంటే..
" ఏదేవు దేహమున యిన్నియును జన్మించే.. ఏదేవుదేహమున యిన్నియును అణగెమరి,   ఏ దేవు విగ్రహంబీ సకల వింతయును.. ఏదేవు నేత్రంబులిన చంద్రులు ..
ఏ దేవు డీజీవులన్నింటి లో  నుండు.. ఏదేవు చైతన్య ఇన్నింటికాధారం  
మేదేవుడవ్యక్తు ....దేవుడద్వందు.. ఏ వేల్పు పాదయుగమిళయు నాకాశంబు .. ఏ వేల్పు  పాద కేశర్థంబనంతంబు ..
ఏ వేల్పు నిశ్వాస మీ మహా మారుతము   .....................
ఏ వేల్పు భువనైక హితమనో భావకుడు... -(అన్నమయ్య )


..అలాంటి వాడు ఎవడూ లేడు.. ఈ  సకల చరాచర ప్రకృతి, దాని తత్త్వం తప్ప.
చెట్టు, పుట్ట..జీవం,నిర్జీవం,చైతన్యం, సమస్త సృష్టి... అంతా దైవమె. ఇదే హిందూ మతం చెప్పింది.
రామాయణ భారత భాగవతాలు, ఇతర పురాణాలు  అన్ని సామాన్యుడికి అసలు విషయం వివరించటానికి  చేసిన  ప్రయత్నాలు... వేదోపనిశాత్తుల్లో   ఉంది హిందుత్వం అంతా.
అది మరుగున పడేసి.. రామాయణ భారత  ముఖ్య  పాత్రలు ముందుకొచ్చాయి నేడు. రాముడు అనే పాత్ర ద్వార దైవ తత్వాన్ని భోదించటానికి ప్రయత్నించారు. కథలు,కావ్యాలు, పురాణాలు..వేదాలు కలగలిపి..కలగూరగంప చెసి..గందరగోళం చేసేసారు.
దేవుడిని  గూర్చి చెప్పిన ప్రతి వాడు దేవుడైపోయాడు  ఏదో రెండు మూడు చమత్కారాలు చేయగానే అతడిని .. అతని శ్లాఘిచి కీర్తించి..దేవుడిని చేసేసారు.దాంతోనే  ముక్తి దోర్కుతుందేమో అని  తపిస్తున్నారు. అది కేవలం భక్తి,  ప్రపత్తి లోంచి మానసికంగా వొచ్చే ఒకానొక రసానందం మాత్రమే. ఇంకా లోతైన ఆనందాన్ని చవి చూడాలి అంటే అంతర్ముఖులం  అయిపోవాలి.