చంపేస్తూ ..బ్రతికిస్తూ

మొదలంటూ పీకేసినా  ఎక్కడో చిన్నిచిగురు వేస్తూ..అణగదొక్కినా మళ్లీ ఎక్కడినుండో చిరునవ్వు చిందిస్తూ..
చంపి పాతర వేసినా దయ్యం లాగా పీడిస్తూ
నిలువుగా అడ్డంగా నరికేసినా మళ్లీ ఉపిరి పోసుకుంటూ..
తప్పించుకు తిరుగుతున్న ప్రతి సారి అడ్దోస్తూ..
పరిగెడుతూ పారిపోతున్న నన్ను నన్ను నీడలా వెంబడిస్తూ..
 మెలకువలో కలకలం రేపుతూ
నిదురలో కలగా మెలకువ తెప్పిస్తూ..
ప్రశాంతంగా పని చేసుకుందామంటే భగ్నం చేస్తూ..
చావకుండా  బ్రతికిస్తూ.. బ్రతుకులోనే చంపేస్తూ.. చంపేస్తూ ..బ్రతికిస్తూ
ఏమిటో ఈ 'ఆకర్షణ' ? ఎందుకో నాకీ ఘర్షణ