జీవిత మకరందాలు

ఓ పెంకుటిల్లు ,ముందు వాకిలి.. ఓ నాలుగు పూల మొక్కలు, 

ఓ అయిదారు అల్లరి పిల్లలని వెనకేసుకొని ఓ కోడి పెట్ట ..

గడ్డి నేమరేస్స్తున్న గేదె, పక్కనే మూతి నాక్కుంటూ ఓ దూడ ,ఎక్కడినుంచో వచ్చి పంచన చేరి ఒళ్ళు విరుచుకుంటూకుక్క ..

.. హాల్లో, తాతగారి వాలు కుర్చీ, ఓ మూలకి నక్కిన నులక మంచం, తలుపులు లేని గూట్లో కిరసనాయిలు దీపపు బుడ్డీ ..

వంటింట్లో బంగారపు మెరుపుతో రెండు ఇత్తడి బిందెలు, దూలానికి వేలాడుతున్న ఉట్టి..

పెరట్లో జామ చెట్టు, గోడవారగా టమాటా, మిరప మొక్కలు, బీర కాయ తీగో, గుమ్మడి పాదో అలా పిట్టగోడ మీదకి పాకి, వేసిన చిన్ని పిందెలు..

ఇవేకదా పల్లె ఇంటి అందాలు.. జీవిత మకరందాలు.