Aug 25, 2009

గుర్తున్నాయా ఆ రోజులు


internet explorer ....www.స్వగతం .com > వేలూరు > బాల్యం

గుర్తున్నాయా రోజులు.. ఆటలు.. హాయి.

మొక్క జొన్న కంకులు..మిరప కారం..రేగు పళ్ళు..ఔషపూలు
డీప్ ఆట..దేవుని పుస్తకాల వాసనా..మిట్ట మధ్యాన్నపు ఎండా ...గుర్తున్నాయా ??

ఆంజనేయస్వామి గుడి గంట నాకింకా వినపడుతూనే ఉంది
రాములు మామ పెళ్లికి దూలాలకి రంగులేస్తున్నాము..
రాజయ్య తోటకి నీళ్ళు పెడుతున్నాడు...పోచయ్య చుట్ట ముట్టిస్తున్నాడు..

బోడి గూట్లో నూనే డబ్బా.. పాలమామయ్య రూంలో సిన్ని ఫాను..
చార పత్తర్ లో వెనన్న గెలిచాడు..లచ్చన్న మల్లి తొండి పెట్టాడు..

ఓం నమశివాయ జ్యోతి అక్క తైతక్కలు..వీరి వీరి గుమ్మడి పండు మాధవి అక్క
బొంద బావి లో చండు పడింది..బాగన్న బాయి...విక్రంగాడి కుక్క ఈత. .
ఒద్దు మామ ఒద్దు మామ రఘు బావ ఏడుపు..

పీల్చి ఉమ్మేసిన చెరుకుకు నల్ల చీమలు పట్టాయి.. దొంతులర్ర లో గిరన్న దాక్కున్నాడు..
పిట్ట గుర్తుకే ఓటెయ్యండి....సర్పంచ్ ఎలక్షన్లు

దొరా.. తుపాకుల నర్సిహ్మని పిలుపు.. గచ్చు దగ్గర చెయ్యి కడుక్కో అమ్మ అరుపు..

పాము కాయలు..రుద్రాక్ష పూలు..ఎపుడు బియ్యం... సీతాఫలాలు..

గ్యనేశ్వర్ గిర్ని పడుతున్నాడు..,విట్టల్ షర్టు కుడుతున్నాడు..
కోతి రామయ్య గుంట కళ్ళు... గోరే మియా గళ్ళ లుంగీ..
అనంతగిరిపల్లి మర్రి చెట్టు..దావరి చెరువు కలువ పూలు..
.... గుర్తున్నాయా??

మల్లి గాడు కైకిలి అడుగుతునాడు..

నాగుల వాసం.. అమ్మమ్మ ఉపవాసం..
తాత పూజ ముగిసింది..విక్రం మొహం గండు పిల్లిలా తయారైంది..
సాయబాన్ లో పేడ వాసనా ..అంబా అని పసుల దీనమైన అరుపు..

గోధూళి కుంకం చల్లుతోంది..వెంకట్రామయ్య సర్ ఇంట్లో మౌనం రాజ్యమేలుతోంది
చింత చెట్టు మీద.. తల్లికొంగల ఫీడింగు..పిల్ల కొంగల డాన్సింగు ..

అమ్మమ్మ మడి కడుతోంది..అమ్మ సువర్ణ చిన్నమ్మకి జడేస్తోంది.
లచ్చి గాడు..గోటిలు లెక్క పెడుతున్నాడు ....రోజి అత్త చంకన గుబులుగా చూస్తోంది..
తాత పాలు పిండుతున్నాడు.. బావ ద్వాదశ స్తోత్రాలు వల్లే వేస్తున్నాడు..
నేను విక్రం గాడికి చిరంజీవి సినిమా కళ్ళకి కడుతున్నాను..

ఆకాశం చీకటి జడ విప్పుతోంది.. విజ్జత్త వుక్కన్నకి దుప్పటి కప్పుతోంది..
ఆనందు గాడింట్లో వార్తలు వస్తున్నాయి..
అత్తలు పళ్ళరసం పిండుతున్నారు..అమ్మలు వంటలు వండుతున్నారు..
మంచాల్లో తలుపులు ముసారు..వంటింట్లో ఇస్తాల్లు తీసారు
రాణి అత్త చీటిలాట మొదలెట్టింది..
మాధవి అక్క చుట్టూ పొతారం దయ్యాలు మూగాయి...
పీట మీద తాత గుర్రు వినబడుతోంది..
వాకిట్లో జంబుఖానా ..మనమంతా కలల్లో బందీఖానా
వేప చెట్టు మీద కాకుల అరుపులు.. తూరుపున పొద్దు పొడుపులు..

లీలగా గుర్తున్న బాల్యం..అదేకదా స్వర్గ తుల్యం.

1 comment:

vrukodar.rao said...

Yeah it is good. I read balyam and holiday home work. I will read remaining
part later. Balyam bagundi girruna thirigi poindi oka 30 samvatsralu. Komati
ramaiiah vittall kalam chesaru kani valla jeevithallo intha marpu manaku
kanipincha ledu appudu mana chinnappatinundi vallu bathikinantha varaku
alage unnaru. Idoka vichitram. Gadichina kalam thirigi radu ante practical
ga ippude arthamavuthundi. I will share some more thoughts later.Time ledu.
Thappaduga vruthi dharmam. Enthaina jeetha gallam kada.
vrukodar.rao@gmail.com